1. Sionant, Deva, Tuji stuti korunk favo, kel’leo angovnnô pallun diuncheô,
2. kiteak Tum amchem prarthon aikotai. Osokt monis Tujê-xim pavtoloch
3. Khandar gheun patkancho bhar. Amchea guneanvam ponda ami chêptanv, punn tum te kaddun uddoitai.
4. Zaka Tunvem venchun kaddlai, zaka Tujea khaxelea angnnant jieunk apoilai, to monis bhagi! Tujea Ghorachea, Tujea povitr Mondirachea Danam-denneamnim amkam bhor.
5. Vismitam korun Tujem utor samballtai, Deva, amchea Soddvonnara. Sogllê prithumecho Bhorvanso Tum, tosoch poixilea dipam-zunveancho.
6. Tujea bollan dongor thir ube urtat, Tum soglloch tezan bhôrlai.
7. Doria ghongeta, Iharam goroztat, raxttram uchamboll zaleant: tankam soglleank Tum thondd kortai.
8. Tujim ojapam vismitam polleun xekan’xek prithumecher monis thottak zatat. Udentik toxench Ostomtek lôk sontosan ul’lasta.
9. Prithumek Tum bhett diunk ietai, ticher Tuzo paus ghaltai,subham’ponnan tika sufôll kortai. Dhanno-gotto amkam mello-so korcheak Devachi nhõi upôtt bhoron vhanvta.
10. Oxi Tum kortai zomnichi toiari: koslolim xetam Tum udkan bhôrtai, zomin eksarki sopatt kortai, pausachea xinvran ti bhizoit ravtai, tichea follancher Tuzo axirvad ghaltai.
11. Tujea boreponnan voros-bhôr amkam melltat follam, Tujim panvlam poddtat thoim sogllem zata sufoll pikall;
12. Poddit zomnir porian bhorpur mellta chorôv, dongor porvot anondan nettovleat
13. Hinddanche hindd moidanar, mollamnim gonvacho bhatacho xringar; sontosan ul’lasta gaita sogllo sonvsar.
