1. "Chotraien hanv choltolom mhollem hanvem ani mhojê jibek mhaka patkank ghalunk diuncho na. Noxtto monis mhojê samkar asa tedna Mhojea onttank bandpas ghaltolom."
2. Mono koso, tondd dhampun hanv vogi ravlom, punn tachem sukh polleun mhoji khont vaddli.
3. Mhojem kalliz bhitorlean ulpotalem, punn hem sogllem chintun ujeacho dhôg koso zoll’lo ani mhojea tonddantli zap suttli.
4. Mhozo xevôtt mhaka dakhoun di, Sorvespora, sonvsarant kitle dis mhaka urleat tem sang, mhojem jivit don disanchem mhonn mhaka ugddas kôr.
5. "Tunvem mhaka dil’lem auk veten mezum-iet titlem lhan; Tujea dolleam mukhar mhojem jivit kãich nhoi. Atam thir ubo, faleam varear gelo: ho Tugelo monis!
6. Vattsur monis, niktoch dekhil’lo, savlli koxi dixtti bhair poddlo.Rattavollimnim ghuspota sogllo, punn zomoil’lo thevo konnak melltolo, tem babddo apunnuch nokllo.
7. Atam, Saiba, axeunchem urlam kitem? Sogllem mhojem Tujeruch dovorchem.
8. Sogllea mhojea patkantlo Tunvench mhaka nivarcho, khebaddam kortolea pixeachea tonddantlo Tunvench mhaka vattauncho.
9. Hem sogllem Tunch kortai mhonnun hanv babddo tondd dhampun ravtam.
10. Tuzo xirap mhojêvelo kaddun uddoi, Tujea hatacho mar khaun hanv moddon poddlam.
11. Mon’xak nitt korcheak Tum taka khast laitai, jem kitem taka dhadoxi korta tem sogllem sannxi bhaxen Tum girastai. Tujê mukhar monis konn? fokot vareachi funk!
12. Mhojem magnnem aik, Sorvespora, mhozo ulo Tujea kanar ghe, mhojea roddnneak Tuje kan dhampum naka. Tujea ghorant vostek pavlolo vattsur hanv, mhojea purvozam porim porko.
13. Tuji nodor mhojê voili kadd: mhozo prann soddchê fuddem, hea sonvsarak ontorchê adim, mhaka ilo-so thar mellum-di.
