1. Mhojem kalliz toiar, Deva, mhojem kalliz toiar: gitamnim, vazontramnim Tuji tust korunk toiar. Zago za, mhojea otmea.
2. Kin’noriê, sitara, zaiat zagim. Fanteak zagoum-ia.
3. Porzam modem Tuka dhin’vasunk, raxttram modem vazontramnim Tuji tust korunk, hi mhoji axa, Sorvespora.
4. Kiteak mollba itlo unch Tuzo môg, kupam voir porian Tujem visvaxiponn.
5. Ontrala voir thaun Tujem dorxon di, Deva, sogllê prithumecher Tujê mhoimecho prokas fankoi.
6. Tum môg kortai tankam soddounk ei, Tujea uzvea hatan amkam adar di, amchê vinotik zap di.
7. Aplea Povitr Mondira thaun Devan utor dilam. Hanv zoit vhortolonch, ani Sikem’ desache vantte kortolom, Suk’kot voll mapun vantt’tolom.
8. “Galaad ani Manas’se, he des Mhojech, Efraim’ mhollear Mhojea matheavelo tôp, ani Zuda Mhoji betkatti.
9. “Moab Mhoje pãi dhuunchem tost. Edomachea kantthear Mhoji vhann bosoitolom, Filistikarancher-ui zoit vhortolom”.
10. Punn konn mhaka kil’leachi vatt dakhoitolo? Konnachea adaran hanv Edomant ghustolom?
11. Deva, khorench soddleai Tunvem amkam? amcheam fouzam borabor bhair soronãi mum Tum?
12. Hea akantachea vellar amkam pav, mon’xancho adar kiteakuch upkaronam.
13. Dev aslear amchea sangata, ami bollan zhuztoleanv, amchea dusmanank mostitolo ekloch To.
