1. Mhojea tonddantlem prarthon aikun ghetleim mhonn, Sorvespora,sogllea mhojea kallzan hanv Tuka dhin’vastam. Tujea dutam mukhar Tujem kirton gaitam,
2. Tujea povitr Mondira mukhar saxttangim Tuka nomoskar kortam. Tum boro ani visvaxi, sogtta poros vortem Tujem Nanv ani Tunvem dil’lem utor; dekhun Tujem Nanv vakhanntam.
3. Tuka ulo marlo tea vellar Tunvem mhojem aikoleim, ani mhojem kalliz ghott keleim, mhaka dhiran bhôrloi.
4. Tujea tonddantlim utram aikona fuddem, Sorvespora, sonvsarantle soglle raza Tuka dhin’vastole.
5. Sorvesporachim kortutvam vornnun mhonnttole: “Khorich vorti Sorvesporachi mhoima!”
6. Soglleam-von xrêxtt Sorvespor, tori To khalteank polleta. Punn gorvan bhòrloleank To vollkhun pois dovorta.
7. Mhaka koxttam-dukhim modem bhonvunk poddlear legun, Tum mhozo jiv samballtai ani Mhoje dusman zolltat! Tuzo hat vistarun mhaka Tum nivartai.
8. Mhojê khatir Tuzo uzvo hat kitem-i korunk toiar! Tuzo môg, Sorvespora, sasnnak ballta-togta! Tujea hatamnim mhaka rochlai, atam mhaka sôddum naka!
