1. Sorvespora, ragan mhaka bexttaum naka, tiddken mhaka khast laum naka.
2. Tuje bhale tôpun tôpun mhojea angant rigle, Tuzo zôdd hat mhojea mathear denvla.
3. Tujea ragachea nim’tan mhojea angant na bholai, mhojea patkak lagun ek hadd porian dhôddxem na!
4. Patkanchi ras matheavoir pavlea, tanchea bhara khal hanv ekdomuch chèptam.
5. Ho polle mhojê pisaiecho porinnam’: mhoje ghai kusleat, pu bhoron ghann marta
6. Hanv mòddlam, tòddlam, sopatt poddlam, sogllo dis haskar-suskar sôddun bhonvtam.
7. Kudd soglli zoran taplea, mhojea angant bholai mhollear nanch!
8. Xorir mhojem bhonglem, mhoji zali pudd; mhojem kalliz vollvollta, hanv vhoddlean suskartam.
9. Tum, Saiba, mhoje otrek vollkhotai, mhoje suskar Tujea kanar poddleatuch.
10. Mhojem kalliz dhodd’dhoddta, boll mhojem virgholem, palvon gelo mhojea dolleancho uzvadd.
11. Mhoje ghai polleun, mhoje sangati koddsorun vetat, kallzache ixtt porian pois ravtat.
12. Mhozo jiv kaddunk sôdtat te vatter fas manddtat; mhojem ghorttann korunk ievjitat te vikarim utram uloitat; dis-bhôr tanchea monant ghollta ghat.
13. Punn hanv zalam bherea sarko, mhaka kan nant; monea sarko zalam: tonddant zapuch na.
14. Kãich aikum-ienaslolea mon’xa vori portun tonddar marunk mhaka kollona.
15. Tujer patieun ravtam, Sorvespora, Saiba, Deva mhojea, mhojê khatir Tunch zap ditoloi.
16. "Mhozo pãi sottkorn nisorlear, mhojeô moskoriô korunk dium naka, mhojê voir talliô pettunk nirmum naka": hi mhoji magnni.
17. Atam hanv sopatt poddunk pavlam, mhoji dukh sodam mhojê mukhar asa.
18. Hanvem guneanv kela mhonn vollkhun ghetam, patok kelam mhonn vhôdd khont mhaka bhògta.
19. Karonna virêt mhojer uprastat tancho hixôp na, khub-khub zannam bexttinch mhozo dvês dhôrtat.
20. Hanvem tankam borem kelam astana tim mhaka vaitt kortat; sarkem tem korunk sôdtam mhonn tim mhojea pallank lagtat.
21. Mhaka sanddun vochunk naka, Sorvespora! Deva mhojea, pois ravum naka!
22. Vegim vegim ie, mhaka hat di, Saiba, Tunch mhozo Tarôk!
