1. Prithumêvela somest mon’xamnô, anondan Devak talliô pêttat !
2. Tachea Nanvachê mhoimek gitam-gaionam ghôddat. Tachê mhoimechi kirti gazoiat !
3. Devak sangat: “Kitlim vichitr Tujim kortutvam!” Tuji odbhut podvi polleun, Tujê dusman Tuka paiam poddtat;
4. soglli prithvi Tujê mukhar saxttangim poddta, Tuka gaionam gaita,Tujea manak gitam ghôddta.
5. Ieiat ani Devachim kortutvam polleiat ! Mon’xam modem ghoddil’lim vismitam amkam thottak kortat toslim !
6. Doriachi Tannem keli suki bhatt ani nhôi utrun sukea panvlamnim tim poltoddi pavlim! Hea pasot Tacheruch asum amcho sontôs
7. Aplê podven To sodankal razvôtt choloita. To raxttrank dolle lavun polleta, fituramnim apli tokli ubarchi nhoi !
8. Raxttramnô, Devachem Nanv voir kaddat, vhoddlea talleant Tachi stuti gazoiat!
9. Tannem amkam jiv-prann dila ani amche pãi halonk-adllunk dilenant.
10. Tunvem, Deva, amkam topasun kaddlim-i , rupea vori amkam kosak lailim-i
11. Tunvem amkam fasak sampddaunk dilim-i , zodd ojim amchê pattir ghalim-i
12. Lokak Tunvem amchea mathear bosunk dileum; Ujeantlean ani udkantlean amkam vechem poddlem, pun akhrek Tunvench amkam thar diloi.
13. Atam hanv Tujea Ghorant hôm’ gheun ietam, Tuka kel’leô mhojeô angovnnô pallun ditam:
14. mhojea onttamnim ucharloleô angovnnô, akantachea velar mhojea tonddan bhasailoliô.
15. Gulgulit paddkuleanche hom’ Tuka vopun ditam ani bhazlolea xelliancho dhunvôr boil ani bokdde Tuka haddun bhettoitam.
16. Devachi bhokti kortoleamnô, sogllim tumi ieiat ani aikat: mhojê khatir Tannem kitem kelam tem vornnitam.
17. Taka hanvem vhoddlean ulo marlo, Tachi vakhann’nni sodanch mhojê jiber !
18. Mhojea kallzant zôr guneanv also, Pormespor kodinch mhaka aikuncho naslo
19. Punn Devan mhojem aikolem, mhojê vinovnnek kan dilo
20. Mhojea magnneachi Devan beporva korunk na, Aplo maiêmog mhojêvelo pois kaddunk na! Tachem Nanv vhodd zaum!
