1. Sorvespora, Tuzo rag choddla: mhaka bexttaum naka; Tuzo krôdh pettla mhaka khast laum naka!
2. Virun gelem sogllem mhojem boll: mhoji doia kôr, Sorvespora! Mhojim haddam porian xirxirtat: mhaka novean bholaiki di.
3. Mhozo jiv dukhovla, koxttovla, Hem, Sorvespora, kedna porian...?
4. Portun ie, Sorvespora, mhaka nivar; maiêmogan mhaka vattai!
5. Kiteak morun gel’lo konnuch korina Tuzo ugddas! Norkant poddlolo konn gaita Tuji kirti?
6. Haskar-suskar sôddun mhaka puro zalem, ratchê rati roddun-roddun bhizoitam mhojem uxem, khattir golltat dukhancheô zhori.
7. Khont edi ki dolle gele puron; sovbhonvtim dusman choddun, mhojea matheavele kens gele soglle pikun.
8. Vaitt kortoleamnô, pois sorat soglle! Kiteak Sorvesporan mhojem rudon aikolem.
9. Sorvesporan mhojê vinovnnek kan dilo, Sorvespor manun ghetolo mhojem magnnem.
10. Ghuspagondhollak sampddun, tanchê naddbudhin tech padd zaun, soglle mhojê dusman duspotton pollapôll kaddum.
