1. Tea disa sat bailô ekach dadleak ghôtt dhôrun mhonnttoleô: 'Ami amchench jevonn korun pott bhôrtoleanv, ani amchinch vostram ghalun nhestoleanv; tujem nanv mat amkam gheum-di; amchi loz kaddun uddoi.'
2. Tea disa, Sorvesporan lail'lo rompo zaunk pavtolo sobit ani mhoimevont; zomnintlem utpon'n zatolem Israelachea urlolea zomeacho obhiman ani xringar.
3. Jim konn Sionant urtolim ani Jerusaleant vattavtolim, tankam povitr mhonnttolim; ani fokot hea urlolea zomeantlea lokachim nanvam Jerusaleant jivim astoleam modem lekhon ietolim.
4. Sorvesporan Sionachea dhuvancho mhêll dhuun kaddtôch ani zhôddtechea ani ujeachea bollan Jerusaleak thoim vikrail'lea rogtantlem xud'dh-nitoll kortôch,
5. Sorvespor ak'khea Sion dongrarani thoim zomloleancher disachem dhunvrachem kup ani ratcho zolltea ujeacho lôklôk rochun ghaltolo.
6. Disachea unhetant savlli diunk ani vadoll ani paus ietat tedna thar ani asro zaunk soglleam voir Sorvesporachi mhoima denvun êk mattôv ani tombu zatoli.
