1. Tea disa tumi mhonnttoleat: 'Tuka dhin'vastam, Sorvespora! Tum mhojer ragar zal'loi, punn Tuzo rag nivlo ani Tunvem mhaka buzvônn dilii.
2. Polleiat, khud Dev mhozo Tarôk; mhaka visvas asa, anink bhirant na, kiteak Sorvespor mhojem Boll, Takach mhojem git gaitam, Toch zala mhojem Taronn.'
3. Mhonnttôch taronnachê zhorintlem sontosan tumi udok kaddtoleat.
4. Tea disa tumi mhonnttoleat: 'Sorvesporak dhin'vasat, zôizôikorun Tachem Nanv gheiat. Raxttram modem Tachim kortutvam porgôtt korat, Tachem Nanv bhov vortem mhonn vakhannat.
5. Sorvesporachea manak gitam-gaionam korat, kiteak Tannem kelim ojapam; ak'khea sonvsarak tim prosidh korat.
6. Sionant ravtoleamnô, sontosan arddun zôizôi korat, kiteak Israelacho Povitr Dev Apunn Xrêxtt-Vorto mhonn dakhoun tumchê modem hajir asa!'
