1. Faraohn Gaza nogracher akromonn korchê adim, hem Sorvesporachem utor Filistikaram vixim Jeremiasak pavlem:
2. (a)Sorvespor oxem mhonntta: Polleiat, Ut'torê thaun udkam voir choddot asat; him udkam upott bhoron òtta toslê nodicho lôtt zaun ietat, ani ti nôd akho dês ani desant asa titlem buddoita: mhonngê tachim nogram ani nogramnim ravta to lôk!
3. (a)Vegan dhanvpi tanchea ghoddeanche khur ttap-ttap korun goddgoddtat, tanche roth boball korun ietat, ani tanchim chakam kirikiri korun ghunvtat: ho sogllo avaz tea lokachea kanar poddtanch, (2b)lôk adar magun vhoddlean bob marta, ani desant asat titlim-i rudon korunk lagtat.(3b)Bapui aplea bhurgeank visortat, tanche hat gollgolltat,
4. kiteak sogllea Filistikarancho nas korcho dis pavlo, ani Tirak ani Sidonak sohokar ditolea sogllea tanchea samilanchem nisontton korcho dis ailo. Hôi, Sorvespor Filistikarancho nas korta, Kret Zunvear urleant tancho.
5. Gaza boddkem zalam, Ashkelon sarkem ogem poddlam. Falkeant ozun ravtat tim tumi, kedna porian tumkanch tumi ghave kortoleat?
6. Sorvesporachê torvari, kedna mhonn tujem somadhan zatolem? Portun tujea poteant voch, puro atam, thôndd rav!
7. Sorvesporan tika êk adnia dil'li asa, Ashkelonacher ani doria kinarer aslolea ganvancher akromonn korunk tika hukum ghala: tôr koxi mhonn ti thôndd ravtoli?
