1. Judacho raza, Josiacho put Jehoiakim, hachê razvôttkechea chovthea vorsa, Barukan, Neriachea putan, Jeremias borounk laitalo toxench, tachim utram eka kovllear boroun kaddlim; tedna Jeremias provadian taka oxem mhollem:
2. Baruka, Sorvespor, Israelacho Dev, tujê vixim sangta tem hem:
3. "Tum oxem chinttai: kitlo mhonn hanv nirbhagi! kiteak Sorvesporan mhojea koxttam-vollvolleancher anink dukhi choddoileat! Pinrgun pinrgun mhozo jiv virghun gela! Mhojem somadhan zaich na!"
4. Taka oxem sang: "Sorvespor oxem mhonntta: Jem Hanvem bandlam tem Hanv atam môddun ghaltam; jem Hanvem roilam, tem Hanv atam umttun uddoitam! Ak'khê prithvek oxench korunk vetam!
5. Ani tum atam vegllê toren apnnak vagoi mhonn Mhojê lagim magtai! Oxem magum naka, kiteak Hanv atam ak'khea mon'xakullacher noxtt dhaddcho asam - uloita to Sorvespor! Punn tuka zalear, khoinsor-ui tum vexi, tuzo jiv mat samballunk ditolom." '
