1. Tum mog kortai te ostorecher kunn'nnatti zaunakai ani tuka koxê porim dukhounk zai tem tika xikoinakai.
2. Tum tuka ekê ostorechea hatant ghalinakai. Ti tujer sopurnnaien aplo tabo dovortoli.
3. Ekê xindullkê ostorecho sangat dhôrinakai. Ti tuka aplea fasak ghuspaitoli.
4. Gavpi choliê borabor bhonvo nakai. Ti tuka fosoitoli.
5. Ekê sundôr choliek pollet ravonakai. Tumkam dogaim-ui ekuch khast favo zaunk xokta.
6. Tujem kalliz xindull ostorechea hatamnim dium-nakai. Tujê lagim asam titleim tum vogddaitoloi.
7. Xarantlea rosteamnim bhonvtana, lôk cholonant toslea eksure rosteamnim bhonvonakai.
8. Sundôr ostoream koddli tuji nodor pois kadd. Dusreanchea sundorancher tujem mon dovrinakai. Kiteak, ostoreanchê sundoraiek lagon zaiteanchi durdoxa zalea; vansa ujea bhaxen perovta.
9. Logn zalolê ostorê vangdda bosonakai. Vô tichea borabor soro pieunk bhag gheum-nakai. Tujem kalliz tika boli poddun tujem svotachem niontronn xenddun, tuji vansa tuka trasant ghaltoli.
10. Pornnea ixttak kednanch sanddinakai. Tacho zago gheupa sarke nove ixtt tuka kednach mellche nant. Ixttagôt sorea bhaxen. To pikta titlo tum ruchin pietai.
11. Patkeachea iesa khatir tum kunn'nnatti zainakai. Xevottak tem koxem somptôlem ti tuka khobor na.
12. Devak mandinant tea mon'xachê khuxalkaien tum khoxi zainakai. Hangach tankam khast laglea xivai ravchina mhunnon ugddas dovor.
13. Jivexim marpachi tank aslolea mon'xa sorxilo pois rav, ani mornnachi bhirant tuka bhesddaichi na. Punn, tum taka lagim sorloch zalear chotraien panvol ghal. Ghoddiek to tuzo jiv kaddit. Liplolea raterim modlean tum choltai mhunnon ani tantun tum sompeponnim poddunk xoktai mhunnon zanna za.
14. Tujê tanki pormmannem tujean zata titlê borê bhaxen tujea bhonvtonnchea lokank vollkhun molaun ani vompun ghe ani zannvaiechea mon'xam koddlean budh ghe.
15. Huxar mon'xam lagim ulovop kôr. Bhov Vortea Devacho kaido tujea ulovnneacho vixoi zaum-di.
16. Promannik mon'xam borabor tum jevnnachea mezar bos ani Sorvesporachi bhokti tuji vhoddvik zaum-di.
17. Zoxê porim huxar hatinchea vostum khatir mohima favo zata, toxich eka fuddareachi zannvai tachea utrancher kollun ieta.
18. Ovichari ani bezababdarponnan ulovpeak ganvant bhietat, ani kitea-kiteim ulovpeachi lokak vitt ieta. Ovesvor
