1. Tujea grestkaiancher tujem kalliz dovrum naka, na mhonn `mhaka zai titlem mhojê kodde asa', oxem-i mhonnum naka.
2. Tujea kallzachea otrekam pormannem tujea vondovnniam pattlean vochum naka.
3. `Mhojer konnak podvi asa?' oxem-i mhonnum naka. Kiteak Sorvespor tuka khast lailea bogor ravcho na.
4. `Hanvem patok kelam ani mhaka kitem zalam?' oxem-i mhonnum naka, kiteak Sorvespor sonsnnikaiecho.
5. Bhogsonnem melltolem mhonn patkar patok korit ravum naka.
6. `Tachi kaklut vhôdd ani sogllim mhojim patkam To bhogxita.' oxem-i mhonnum naka; kiteak bhogsonnem ani khast Tachê sovem asat ani Tacho rag patkiancher pett'ta.
7. Sorvespora sovem portun ieunk kallav korum naka, vô aiz na faleam vetolom mhonnun lamboum naka; kiteak ovchit Sorvesporacho rag pett'tolo, ani khastichea disa tujem sarkem nisontton zatolem.
8. Addkam-naddkam korun zomoilole grestkaiancher tujem kalliz dovrum naka; nisonttonachea vellar teô tuka kosleach faideak poddcheô nant.
9. Varem marta tê vatten asuddchem nhoi, vô protek paim-vatten cholonakai (Don bhasamnim uloitolea patkea bhaxen.)
10. Tum kitem sotmantai tacher thir rav, ani ekach utracho monis za.
11. Dusreachem aikun gheunk sodanch toiar rav. Punn, zobab ditana bhorpur niall kôr.
12. Tuka to prosn somzota zalearuch tujea xezareak zobab di. Na zalear tujea tonddar hat dovor.
13. Tujea ulovnnea udexim tuka man vô opman favo zata. Tuji jib tuka khala apttita.
14. Dusreacheô vaitt khobrô korun nanv melloinakai. Ani toslê jibê udexim dusreak fas manddinakai. Kiteak, chorak zoxi loz ravta toxich don bhasamnim ulovpeak nixttur formonn favo zata.
15. Barik zaum mottea vostumnim opman pois kôr. Ixttagôt diun dusmankai gheum nakai. Ovesvor
