1. Probhavik mon'xak avhan korinakai. Ghoddiek okherek tum tachea chopkeak sampoddtoloi.
2. Grest mon'xa thaim zhogddum nakai. Na zalear to tuka trasant ghalit; Bhangaran zaitea zannachem nisontton kelam ani razanchim kallzam pois vheleant.
3. Zhankpea lagim bhasabhas korinakai. Tum gorjê bhair ujeant petrol ghaltoloi.
4. Tujea purvozank vaitt kori mhunnon bhirantin vaitt sobhavachea mon'xanchim fokannam korinakai.
5. Patok sôddun kuxik sorlolea patkeachi ttik'ka korinakai. Ami soglle guneanvkari mhunnun ugddas dhôr.
6. To mhataro zalo mhunnon tachim fokannam korinakai. Kiteak, khorem mhollear ami-i mhatare zait vetanv. Okherek itleim korunuim amchê modle kaim zann zanntte zatat.
7. Konnuim melo mhunnon khuxal zaum nakai. Ami soglleamnim morunk zai mhunnon ugddas dhôr.
8. Zannaramnim sanglam tacher durlokx korunakai. Tancheô vopari tujê jiber khelloi. Tanchê koddlean tum mon'xachi chakri korpachem totv ani kola xiktoloi.
9. Mhatare sangtat tacher durlokx korinakai. Te-i aplea purvozam koddlean xikleat. Tanchê koddlean koxem chintunk zai tem ani favo tea vellar koso zobab diunk zai tem tum xiktoloi.
10. Eka patkeak patok korpachi sond dium-nakai. Tachea borabor tum-i lasun vexi.
11. Urmott mon'xak tuka uchamboll korunk dium-nakai. Tujinch utram ghunvddavun to tuka fasak sampddaitolo.
12. Tujea poros bollixttk mon'xak tum uxnnem dium-nakai. Dileim zalear ti tuji vost xenddli mhunnon somoz.
13. Tujê tanki bhair, tum konnakuch zamin ravonakai; tum ravtai zalear tem farik korunk toiar rav.
14. Nitidara add kednach Nitisobhent vochonakai. Kiteak, nikal tachêch vatten zatolo.
15. Bezobabdar mon'xa vangdda poinn korinakai. To tuka ghoddiek trasant ghaltolo. Apnnak zai toso to vagtolo ani tachea urmottponnak lagon tumchem dogaim-cheim padd zatolem.
16. Eka gorom toklechea mon'xa borabor bhasabhas korinakai. Dusro lôk asona thoim tachê borabor vochonakai. Kiteak, taka rogot mhonnche kainch nhoi. Lagim konnuch na tem polleun to tuka marun uddoitolo.
17. Eka murkha lagim budh maginakai. Kiteak, tuzo ghutt tachê lagim samballunk zanvcho na.
18. Ghuttan samballpa sarkem eka onvollkea fuddeant kitench korinakai. To monis tacho koso faido ghetolo tem tujean sangunk zaina.
19. Tujim khasgi chintna tum soglleank uktim korinakai. Ani te tuka boreak pavoitole mhunnon somzonakai. Ovesvor
