1. Zoxê porim dambrak hat lait zalear to dambôr tuka chittkovta, tech bhaxen tum gorvixttanchea sangatan bhonvxi zalear tuzoi sobhav tanchech bhaxen zatolo.
2. Tujean vhorunk zaina tedem vojem uklum nakai, tujea poros bolixtt ani grest mon'xa borabor sombond dovri nakai. Ek matiechem aidon eka vhoddlea lonkdda aidona kuxik kiteak dovorop? Eka-mekak adllot zalear tem matiechem aidon futt'tolem.
3. Eka grest mon'xan chuk adarlear taka ti pochon veta. Punn, eka goriban adarli zalear tannem bhogsonnem magchem poddta.
4. Tum upkarta toslo aslear grest monis tuzo faido ghetolo ani tujer konnixttai aili zalear tuka to sôddun vetolo.
5. Tujea lagim bhorpur asam? Tôr to tujea sangatak jietolo. Matui dubav poddonk dinastana to tuka poxear kortolo.
6. Taka tuji goroz? To tuka aplea hanxeamnim ani mogall utramnim bhuloitolo, tuzo bhorvanso vaddoitolo. To godd-godd utramnim uloitolo. Ani `tuka kitem zai' kai mhunnon vichartolo.
7. Aplea jevnnachea mezar to tuka kirkôll kortolo ani tuka don tin pavtti poxear kelea uprant okherek to tuka kenndtolo, ani uprant tum taka disti poddlear, to tuka vollkhonaslolê bhaxen vagtolo ani kuxin soron vetolo.
8. Chotrai dhôr ani tum fosovnakai, ani tujeach murkheponnan tuka hinnsaun ghenakai.
9. Eka vhoddlea mon'xan tuka apnnager apoilo zalear, matso fattim sor, to tuka aninkui agro korun apoitolo.
10. Poiloch fuddlo zago ghenaka mhonngê tuka fattim dhaddchim nant, To tuka bazuk dovorta zalear, kuxik ravonakai. To tuka visortolo.
11. Tum taka aplea boraborcho mandinakai. Tachea utranchea lottacher patienakai; kiteak, hem sogllem ulovnnem tuji porikxa korchê khatir. Hea hanstea mukamolla bhitôr to tujem vozon korta.
12. Zo konn mitt masalo lavun chaddiô sangta, to kaklut naslolo. To tuka dukhovunk ani koidikanneant ghalunk fattim sorchona.
13. Xittuk rav. Samballun panvol ghal. Kiteak, tum zulmi lokanchea sangata vavurtai.
14
15. Zoxi protek rochnna apleach sarkeanche vangodd dhôrta, tosoch monis apnna sarkeach mon'xak pankun ravta.
16. Zoxê porim ekê zatichim zonavoram borabor bhonvtat toxech ekach sobhavache monisui eka mekachea sangatan astat.
17. Zoso eka landdgea ani menddrea bhitôr somzut asona, tosoch eka patkea ani dhormik mon'xa modem asunk favona.
18. Ekê vagantte ani sunnea modem kosli xanti asum-ieta? Ani gresta ani goriba modem kosli xanti asum-ieta?
19. Jê bhaxen oronneant aslolim ran'votti gaddvam xinvanchem savoz, toxech gorib lôk grestanche xikar.
20. Jê bhaxen gorvixttak lhan'vikaiecho kanttallo ieta tech bhaxen girestak goribachi vitt ieta.
21. Eka girestacho paim adollta tedna tache ixtt taka samballtat, ani êk gorib adolltta tedna tache ixtt taka bazuk sôddtat.
22. Eklo grest nisorta tedna taka dhôrpak zaite hat toiar astat. Tannem pixeponnam uloilim zalear legit taka porbim ditat. Eklo gorib nisorlo zalear taka duxann ditat. To kitleim xanneponn ulovum. Tachem konnuch kanar dhôrinant.
23. Eklo grest uloita tedna, soglle vogi ravun aikotat ani tachea ulovpachi tust mollbant pavoitat. Punn, êk gorib uloita tedna `to konn re?' Oso sogllech prosn kortat, ani to uloitana ghuspolo zalear, taka samkoch ghuspaun, taka naka sonvsar korun sôddtat.
24. Patok naslolea lagim girestkai asop borem; punn, goribi vaitt mhunnon Devak mandinaslole sangtat.
25. Mon'xachem mon, tachea sobhava pormannem borim vô vaitt bhavnam ugddapim korta.
26. Tujem kalliz khoxi asam zalear, tujea mukhamollar khuxalkai dista. Vopari ghoddunk êk thokovpachi gozal zaun asta. Ovesvor
