1. Borê bailecho ghôv subhagi; tachea disanchi sonkia dupêtt zatoli.
2. Ek visvaxi bail tichea ghorkaracho sontôs; to aplea jivitachim vorsam sovostkaien sompoitolo.
3. Ek bori bail mhollear vhoddantlem vhodd dennem: Sorvesporachi bhokti kortoleank tem melltolem;
4. girest vô gorib zaum, khoinchea-i kallar tanchem kalliz sontoxi astolem, ani tanchem mukhamoll hanstem.
5. Hanv bhietam tosleô tin vostu asat ani chovthi mhojer kampero haddta; Ganv bhôr vaitt khobrô posravop. Lokanchi urponz ektthaim zavop, khotto guneanv thapop, - Heô mornna poros vaitt vostu.
6. Punn, êk bail dusrê bailecher zollop mhollear dukh ani khont koxi. Tichi jib soglleank solun kaddta.
7. Ek vaitt ghorkarn, khandar sarkem dhorona toslem zum koxem. Ticher tabo dhôrunk sodop mhollear êk vinchu hatan dhôrop.
8. Ek bebdi bail konnakui samki tiddôk haddta. Aplo loz naslolo sobhav tichean lipoupak zaina.
9. Ekê bailechea nachrea dolleavelean aplea ghorkara vixim tichem bevisvaxiponn ukteponnim disti poddta.
10. Apnnak zai toxi cholunk sôdpi êk dhuv tuka asa zalear ticher chotur nodor dovor. Tika mekllik dili zalear, ti tacho faido kaddtoli.
11. Tichea loz soddlolea sobhavacher koddok nodor dovor. Tinnem tuji doxa vogddaili zalear ojapum naka.
12. Ek tanelolo vattsur apnnak mellta tem kosleim udok pieta, toxench apleak zai zalolea khoincheai dadlea fuddeant, khoincheai zagear aple paim rundaitolem.
13. Aplê bailechi surupai ghovak dhadoxi korta, ani tichi hikmôt taka ghottai dita.
14. Ogi ravta ti bail Sorvesporachem dennem, ani mannsugechê bailê itlem moladik anink kai na.
15. Ek moriadichi bail dupett vordan, eka nirmoll kallzachem mol tagddent ghalun korunk zaina.
16. Sorvesporachea dongrar udetolea suria vori tthaktthik ghorant êkê bailechi surupai.
17. Tichem sundor mukhamoll, nodrek boro sarki kudd, mondirantlea povitr divlechea peddavelê divlê bhaxen porzôll fankarta.
18. Rupeachea peddar ubarlolea bhangarachea khambea bhaxen, tichea akarak favo tosle paim ani mozbut khilliô.
28. Mhaka dukhest korpi don vostu ani tisri mhaka rag kaddpi vost asa. Ek goribsannent xenddlolo zhuzari. Man mellona toslo êk huxar monis, ani khottepona vatten portovlolo êk promannik monis. Toslea mon'xak ek hinvsechem moronn Dev formaita.
29. Eka dhondekarak khotteponn, ani eka posorkarak patok adari nastana ravunk kottin gozal. Ovesvor
