1. Faidea khatir zaitea zannanim patok adarlam. Grest zaunk sôdta tannem zaitea vostum kodde pollenaslolea bhaxen korchem poddta.
2. Jê bhaxen don fatram modem xirkovloli khuntti kaddunk kottin lagta, tech porim viktem gheupa ani vikpa modlem-promannikponn kaddunk zainam.
3. Sorvesporachi bhokti zotnaien korina tachem ghor sokla uddoitole.
4. Jê toren ekê haloilolê chann'nnent chikol voir urta, tech porim mon'xache ovgunn tachea ulovpant distat.
5. Kumbarachem aidon bhattient ghalun kosak laitat, toxench mon'xachi porikxa tachea uloupant zata.
6. Follam vorvim zhaddachi kamaiski kollun ieta, toxench mon'xachea utra vorvim tachem mon kollta.
7. Monis ulounchê adim taka vakhannum naka, kiteak hich tachi porikxa.
8. Nit sôdxi zalear, tuka ti melltoli ani ek dobajik angvostr koxem tum ti nhestoloi.
9. Zoxê porim ekech torechim suknnim ektthaim ravtat, toxench sot sôdtoleank sot mellta.
10. Zoxê porim êk xinv aplea savzak dattun ravta, tech porim vaitt adarta taka patok dattun ravta.
11. Dev bhirantichea mon'xanchem ulovop sodanch xanneponnachem. Punn, piso aplem ulovop khinna-khinnak chondrima bhaxen bodolta.
12. Eka murkh mon'xak mellunk vetai tedna, thoincho kuxin soron vochpacho vêll sôdun kadd. Punn, tum budvont mon'xam modem asai zalear tuka zai titlo vêll rav.
13. Ollxigavnnea patkachê vanxen moskoreô kortat dekhun, pixeanchea uloupacho kanttallo ieta.
14. Tosle lôk xiraptat tedna tuje kens ube ravtat. Tanchi karandai aikun lôk aplea kanamnim bottam ghaltat.
15. Gorvixttanchea zhogddeank lagon rogtacho vhall zata ani tanche okman aikonk tuka naka puro zata. Gutt Tuka sanglole gutt tum dusreak foddttai zalear dusreacho tujer visvas aslolo to tum vogddaitai ani tedna tuka kednanch êk khoro ixtt mellcho na.
17. Tujea ixttak man di ani tacher tuzo visvas dovor. Tache gutt tunvem dusreak sangleat zalear tum tachê fattlean anink vochonaka.
18. Eka mon'xak marun nas kortai toso tum tujea xezareachi ixttagôtt marun uddoitai.
19. Tujea hatantlean tum ek suknnem sôddun ditai tosoch tum tujea ixttak vogddaitai. Teach suknnea bhaxen, êk pavtti gelolo to portun ieuncho na.
20. Tachê fattlean vochonakai. To khub pois pavlo. Eka fasantlean suttlolea merva bhaxen to dhanvot pois gelo.
21. Eka ghaiak vokod bandum-ieta. Ek okman bhogsum-ieta. Punn, guttacho visvas-ghat keloleak kednanch bhogsonnem na.
22. Konnui tujer tirso dollo marta zalear, tachea monant, tujer kiteim tori vaitt asta. Taka konnacheanunch addavpak zaina.
23. Tujea fuddeant to gôdd-gôdd utram uloita. Tujea protek utracho to kovtuk korta. Tujea fattlean bodolta ani tujinch utram tuka addavpi, vattevele kantte korun sôddta.
24. Mhaka tiroskar haddpi khub vostu mell'leat. Punn, tachê itlo dusvas haddpi nhoi. Sorvesporui tacho dusvas korta.
25. Konnui varear fatôr marit zalear, to portun tachech tokler poddtta. Ek ghatki dhopko donui vattamnim katôrta.
26. Fondd ustita to monis teach fonddant poddta. Ani fas manddta to tantunuch sampoddta.
27. Vaitt roita to vaittuch lunvta. Ani tedna apnnacher koxê porim vaitt ailem tachi taka kolponach nasta.
28. Urmott monis dusreak thomnne marta ani okman korta. Punn, tosleak farikponn eka xinva bhaxen dattun ravta.
29. Devosponnim mon'xachem odruxtt polleun dhadoxi zatat tea mon'xank, morchê adim dukh fapxitolem.
30. Rag ani krôdh, heô don-ui vostu noxtteô, ani teô patkia sovem astat. Ovesvor
