1. Mhojea puta, tunvem patok adarlam? Hea fuddem adarinakai. Tujea adlea chukinchem bhogsonnem mag.
2. Eka sorpa sorxilo kuxin sortai toso tum patka koddlo kuxin sor, tachê sorxim vexi tôr tem tuka chabtolem. Tachê xinva sarke dant tujea atmeacho nas kortole.
3. Soglle kaido moddpi donui bazumnim pazlolê torvari bhaxen. Tanchea ghaiank sompeponnim pekovnni na.
4. Zoso kampero ani hinvsa girestkaiecho nas korta, toxench eksurponn gorvixtta-chea ghorabeachem padd ghalta.
5. Goribachea vonttamvelim prarthonam soroll Devachea kanar poddtat ani Tachi nit kallav korinastana ieta.
6. Tum durusti mandun gheupak fattim sortai zalear tum patkachi vatt dhôrtai. Sorvesporachi bhokti korta tachem kalliz patkachi dukh dhôrta.
7. Eka boddboddpeak sogllo lôk vollkhota. Punn, chotur monis protek chuk zannovta.
8. Dusreachea duddvamnim aplem ghor bandop mhollear apleach fonddak fator ektthailolea vori zata.
9. Kaide pallinant toslea mon'xancho zomo eka tonnachea guddea bhaxen. Tacho xevôtt ujeachea agttea bhaxen zata.
10. Patkeacho rosto sorôll ani suddsuddit asta punn to patallant sompta.
11. Kaide samballtolo zalear poile kaide xikunk zai. Khorea orthan tum Sorvesporachi bhokti korxi tôr, tuka sopurnn zannvai favo zatoli.
12. Kiteim xiktoloi zalear poilo budhvont asunk zai. Punn kaim pavtti apunn budhvont mhunnon dakhoitat tankam koddu xevôtt ravta.
13. Budhvont mon'xachi zannvai kednanch sukhona toslê zhori bhaxen ani tachi budh jivê zhori sarki.
14. Pixeachem mon eka futtlolea aidona sarkem, Tantunt koslich zannvai togona.
15. Zôr êk xiklolo monis ek zannvaiechem utor aikota, tachea monant sfurti ieta ani taka noveô ikmoti suchtat. Punn, nit sôddun jieupi tem aikot zalear tem taka manovchem na. To tem aikona fudem visortolo.
16. Ek pisatt mon'xa sangatak ulovop mhollear ek vojem gheun cholop. Punn, eka huxar mon'xachem aikop dhadosponnachem.
17. Eka chotur mon'xachem ulovnnem ekê sobent mon diun aikotat ani tachem mhonn'nnem barkaien manun ghetat.
18. Eka pixeachi zannvai eka môddlolea ghora bhaxen upeôg nasloli. Eka enddeachem ginean somzunk kotthin lagpi uloup koxem.
19. Ginean naslolea mon'xak xikop paiank khodde koxe ani uzvea hatak beddi koxi.
20. Ek piso aplea sogllea bollan mottean hansta. Punn, êk xannom monis omurkoch hansta.
21. Eka xittuk mon'xak xikxonn bhangarachi vost koxi, tem tachea uzvea hatak mongottacho potto koso.
22. Ek piso ghorant soroll bhitôr sorta, Punn, ek onnbhov aslolo monis darar ubo ravta.
23. Ek chokrom' apli tokli bhitôr ghalun lhovuch bhitôr polleta. Punn, êk borea sobhavacho monis bhailean ravta.
24. Darar ubo ravun aikop êk vaitt dekh. Eka mansugechea mon'xak toxem korunk loz distoli.
25. Chaddialleache vontt dusreacheô khobrô uloitat. Punn, xanno monis aplem protek utor chotraien zôkta.
26. Pixeanchem kalliz tanchê jiber ani xanneanchi jib tanchea kallzant asta.
27. Jedna Devak mandi naslolo soitanak xirapta, tedna to apnnakuch xirapta.
28. Chaddiallo apleachoch sobhav mhelloita sogllim xezarim tacho dvês kortat. Ovesvor
