1. E, mornna! Aplê asposti sangatan xantin jietoleak, ani kosleai uskeam viret sogllem borem choltana, aplea jevnnachi khuxalakai bhogtana, tuzo ugddas korunk kitli koddu khont bhogta!
2. E, mornna! Konnuim goribent jietolo, bhigoddlolê bholaikecho, utar piraiecho, hozar huskeamnim buddlolo chintest ani khuxal naslolo!
3. Mornnachea formonnak bhienakai. Tujea adim ailoleank, ani tujea uprantui jietoleank soglleank tem favo zait asam mhunnon ugddas dhôr.
4. Hem formonn, Sorvesporan sogllea jiv-pranniancher marlam. Sorvesporak manovta tacher horkot haddunk tum konn? Tum hanga dha, xembor vô hozar vorsam jielo mhunnon, Hachi chovkoxi konnem kelea?
5. Krodh haddpi, dusvaxi ani xist naslolim patkeanchim bhurgim, adim-fuddench Dev nasloleanchim bhutallim ekttaitat.
6. Patkeanchea bhurgeanchê sogllê aspoticho nas zatolo ani tanchi sonsôt sodankal konnixttaiek sampoddtoli.
7. Apnnacher hi khast haddlolea khatir, Devak mandi naslolea bapaik tachim bhurgim guneanvkari kortolim.
8. Sorvespora Devache updes kuxik dovorlolea onbhavarthi mon'xamnô, tumcho sotianas zatolo.
9. Tum zolmololoi tedna xirap poddloloch zolmololoi, ani tum mortai tedna tujea vanttteak xirapuch favo zatole.
10. Matientlean ieta tem portun matientuch portota; toxech khotte te monis, xirapantlean nisonttonachê vattentlean vetat.
11. Meloleanchê kuddichem fokt dukh kortat. Punn, mol naslolea patkeachem nanv pusun kaddtole.
12. Tujê kirticher, borê namnecher chotrai dovor. Hozar bhangarachea theveam poros ti chodd kall togtoli.
13. Ek borem jivit thoddoch kall togta. Punn, êk bori kirti sasnnak togtoli.
14. Mhojea bhurgeamnô, mhoji xikovnn samballat ani xantin jieiat. Lipoilolê zannvaiecho ani dakhounk naslolea bhanddaracho koslo faido?
15. Apli zannvai lipoilolea poros aplem pixeponn lipoilear odik borem.
16. Hanv sangtam tea vostunchi loz dhôr: nhoi mhonn soglleô vostu soglleank manonant. Kiteak, protek vostumnim lojevop sarkem nhoi.
17. Tujea khottea sobhavak lagon, tujea avoi-bapai mukhar ani eka kunvra vô eka podvedar mon'xa mukar tunvem fott ulovunk lojeunk favo.
18. Toxench eka nitidara vô mon'subidara mukar tujea vaitt kortubam khatir, lokanchê sobhê mukhar tunvem kaklut korunk nasli dekhun; tuka loz bhôgunk favo.
19. Tujea boroborchea ixtta sangata tujea krur sobhava khatir ani tujea xezaream mukhar choriê khatir, loz dhôr.
20. Sota ani Devachea korara fuddeant mezacher kompor tenkovn adim fuddem bosunk, tuka loz diso.
21. Tuka zap korta tedna ani dita-gheta astana, tunvem dusreacher durloksh kelem zalear,
22. ani ekê parpôll ostorek pollet ravlear. Tujea xezari desantlea lokanchim magnnim kuxik marlear,
23. ani dusreachea vantteacho vô bhettovnnecho faido ghetlear, dusreachê bailechea sangatak sombond dovorlear, 24. Tujê chakorni sangatan miroilear ani tichê khatti sorxim vochonakai. 25. Sonsona toslim utram ixttam-xim uloilear. Ekê sagvadi sangatak okman dium-naka. 26. Tum aikotai titleim dusreak sangunk ani visvas-ghat korunk tuka loz disunk favo. 27. Ani tednach khori loz kitem ti tuka kolltolem, ani tedna tea khatir lôk tuka man ditolo. Ovesvor
