1. Sopnam Nirfoll ani khotti axa murkhank fosoitat ani sopnam pixeank pakam laitat.
2. Sopnancher visvas dovorop mhollear savllek dhôrunk ani vareachea fattlean dhanvlolea bhaxen
3. Sopnam ani harxea modem vegllochar na. Tachê fudeant ubo ravxi zalear tantunt tuka tujench mukhamoll disti poddta.
4. Mhelleponnan kitem nitoll korum-ieta? Ani fosovnnea udexim khoreponn koxem parkum-ieta?
5. Bhakit, shokun, ani sopnam, - hea soglleak orth na Hem sogllem gorbhest bailechea svoir kolpona bhaxen.
6. Bhov Vortea Devan dut koso dhaddlea xivai konnancheruch tum patienakai.
7. Kiteak, sopnamnim zaitea lokank vaitt rostean vheleat, ani tancher patietole vhodda dukhak sampoddleat.
8. Updes pallunk toslea fottingponnanchi goroz na. Ani zannvai promannikponnan purnn zalea.
9. Khub bhonvddeô kelolea mon'xak zaiteô vostu somzotat; ani khub onnbhov aslolea mon'xachem ulovop somjikaien bhorlolem asta.
10. Onnbhov naslolea mon'xak bhov thoddem somzota. Punn, provas kelolo monis protek poristhiti hatallpak xokta.
11. Mhojea bhonvddeamnim hanvem zaitem pollelam; ani mhojea utramnim sangunk zata tachê poros odik onnbhovlam.
12. Zaitê pavtti hanv mornnachea sonkoxttan poddlam. Punn, hanchêch udexim hanv jivo urlam.
13. Sorvesporachi bhokti kortoleancho otmo jieunk xoktolo. Kiteak, tankam nivarpachi podvi asa tacher tancho visvas asa.
14. Sorvesporachi bhokti kortolo to sodankal jietolo. Sorvespor tacho bhorvanso zalear, to konnak bhienvcho na.
15. Sorvesporachi bhokti korta to monis bhagi. To konnacher visvas dovorta? Taka konn samballta?
16. Apnnacho môg kortoleancher Sorvesporachi nodor asta. To tanchi podvedar rakhonn ani mozbut alaxiro. Oronneantlo varo addavpak ddhal ani donparchea votak addavpak to alaxiro. Adllon poddona zaunk to rakhnno ani bhuim poddona zaunk to visvas.
17. To tankam onondbhorit korta ani tanchea dolleamnim chokmok ghalta. To tankam bholaiki, jivit ani axirvad dita.
18. Beimanponnan melloiloleô vostu Devak bhettovop mhollear Tacheô khebddaiô korop. Odhormi mon'xacheô bhettovnneom manun gheupak xokonant tosleô.
19. Devak maninant tanche teag Devak matui dhadosponn dinant. Kitlei teag kele mhunnon tancheamnim aplea patkanchem bhogsonnem mellovun gheupak zanvchem na.
20. Goribachê malkechem ek zonavor chorun bhettovnni korop mhollear tachea bapaichea hujir eka bhurgeacho khun kelolea bhaxen zata.
21. Eka goribachem chimttibhor jevonn, khoreponnim tachem jivit koxem. Tem tachê koddlean kaddun ghevop mhollear êk khun kelolea bhaxen.
22. Eka goribachea pottak pavona toslem jevonn kaddun ghevop mhollear tacho khun korop. Eka vavraddeachi mozuri dinastana ravop mhollear rogot varovop.
23. Zôr eklo bandta ani dusro môddtta, tankam trasam xivai ani koslo faido zatolo?
24. Zôr eklo axirvad dita ani dusro xirap ghalta, tôr Sorvespor konnanchem aikotolo?
25. Eka moddeak hat laitôch udok nhanvon teach moddeak portun hat lailo zalear, nhanvon koslo faido zalo?
26. Zôr tujea patkanchea farikponna khatir tunvem upaxennam kelim ani uprant novean patok kelem, tôr tujea sarkea mon'xachim magnnim konn aikotolo? Svotak donddvon diun koslo faido zalo? Ovesvor
