1. To suria udeta tedna Bhov Vortea Devachem kortutv `kedem ojapanchem tem jahir korta.'
2. Donparchea vellar to dhortori tapoita. Tachi zollti gormi konnachean sonsunk zata?
3. Koslii gormi toiar kortolo zalear ami khornant uzo pettonvcho poddtta; suria tachea poros tin pavtti dongor tapoita, peroita ani aplea chokmokan dolle dipkaita.
4. Taka rochtolo Sorvespor mahan ani Tachem utor taka cholunk takôt dita.
5. Anink uprant chondrim, sodankal favo tea vellar nixanni marunk, sasnnak togpi êk khunna koxi.
6. Chondrimuch utsôv khunnaita, êk uzvadd diupi sadhon to. Samko fulun ietoch kirnna bhagot vetat.
7. Mhoineank nanvam chondrima velean aileant, kall bodolta toso, to ojapamnim lhan-vhodd akar gheta. Nimonntronacho bavtto koso sorginchê suvater chokmokot ravta.
8. Chokmokit noketrancho onod ratchea mollbachi sundorai vaddoita. Ti Devachi êk chokmokit xrungarnni.
9. Sorvesporan tharoilolea zageancher tim ghunvtat; ani aplem nodor dovorpachem kortovea kortana tim kednanch visôv ghenant.
10. Dhonnux-bannacher nodor mar ani tachea Rochnnarak mhoima di. Aplea dobajean To bhovuch sobitaien bhorlolo.
11. Sorvesporachea hatamnim chitrailolo, mollbacher to êk onodbhorit dhonnush zata.
12. To formaita tea vellar him' poddunk lagta; toxench Tachê formavnnen zoglavnnim dhanvtat.
13. Tech bhaxen tachim bhanddaram uktim zatat ani kupam suknneam porim uddunk lagtat.
14. Tachê mahan podven kupam ghôtt zatat ani uprant tanchem modd toiar zata.
15. a Tachê khunnen dokhinnicho varo vhanvta
16. Tachea goddgoddachea avazan sonvsar dukhan tollmollta ani Tachê nodrek dongor kamptat.
17. b vô ut'torechean modd ani vattolli zata.
18. Suknnim dhanvtolea bhaxen To him' xinvraita ani tollam bhaxen to zhadam-peddancher bosta. Tachea boreponnachê sundoraiek dolle ojaptat ani to poddtta tem polleun monam thoketat.
19. Mitta bhaxen to sonvsaracher dhukeim votoita jem xenkelea uprant tacher borfache kantte koxe lagtat.
20. To ut'torecho, thondd varo funkun dhaddtta ani tachem udok ghôtt zata ani tachem borf toiar zata. Ani jea-jea zageancher tem udok santton urta tacher borf toiar zata ani tea borfachem ek ddhal koxem toiar zata.
21. To varo dongor gillta ani oronnim korpoita ani ujea porim zhaddam ani peddam nopoit korta.
22. Punn, kup iogia vellar ieun pekovnni haddtta, ani gormê uprant dôv khuxalkai haddta.
23. Aplê zannvaien Tannem vhoddle somdir xant kele ani thoim zunve bosoile.
24. Tarvotteamnim somdirantlea sonkoxttam voir amkam sangloleô khobrô aikun, amche kan ojapamnim bhortat.
25. Kiteak, thoinsorui vichitr ani ojeapancheô vostu astat ani vividh torecheô mon'zati ani doriantlim vhoddlim zonavoram thoim jietat.
26. Sorvesporachea upkaran Tacho sondexkar dhokear pavta ani Tachea utra pormannem sogllem cholta.
27. Ami kitleim sanglem zalear sangun puro zanvchena. Punn, thoddkean sangtolo zalear `To sogllench mhonnpachem.'
28. Tachi mhoima gavpak ami khoim thaun podvi haddtoleanv? Aplê sogllê rochnnê poros To soglleant vhoddlo.
29. Tea bhirant ghalpi Sorvesporachi thorai ojapanchi, ani tachi thorai kedea akantachi!
30. Tujean zata titlea bollan vakann'neamnim tum Sorvesporak kitloi voir kadd. Torui To tachê poros voir urta. Taka vakhannunk tujem sogllem boll vaprun thokonaka. Tum kednanch xevottak panvcho na.
31. Tachem vornnon korunk Taka konneim tori pollela? Taka favo sarko onod konnanchean tori diunk zait?
32. Hachê poros anikui zaite vhoddle gutt urlole asat. Kiteak, ami Tachim thoddinch kortutvam polleleant.
33. Svota Sorvesporanuch heô soglleô vostu rochleat, ani doiall-udar kallzacheank zannvai dilea. Ovesvor
