1. Mhojea atmeank dhadosponn ditoleô tin vostu asat jeô vostu Sorvesporak toxeô mon'xakullakui titleoch sundôr distat: Bhavam modem ekchar, xezaream modem ixttagôt ani eka-mekachea mogan dhadoxi jietat tim ghov-bailam.
2. Mhojea atmeank kanttalo haddtat tosleô tin vostu asat, zanchem asnnem mhaka samki vitt haddta: Gorvan bhorlole gorib, fottingponnam uloupi grest ani produvarponn adartat tosle loz naslole mhatare.
3. Tornnattponnar tunvem kainch ekttaim korunk nasot zalear, tujea mhatarponnar tuka kitem melltolem?
4. Dhovea kensam borabor khori nit ani piklolea khadda borabor budh diupak zannant tem polleupak kai borem dista!
5. Zanntteanchi zannvai jedna kheritponnan mon'xa koddllean ailoli budh mhunnon somzotat tem polleupak kai borem dista!
6. Grest onnbhov mhatareanchea mostokavelo mukutt. Ani Sorvesporachi bhokti tanchi mhoima zata.
7. Nnov vostunchi mhaka iad zata. Teô mhaka khoxi dovortat ani dhavi mhojê jiber asa: aplea bhurgeanchea gorvan bhorlolo bapui. Aplo dusman dhortorer xevttololo polleunk jietolo monis.
8. Ekê somzut ghorkarnnichea vangddak jievpak noxib aslolo dadlo. Taka eka boila vô gaddva bhaxen koxttovpak poddona. Aplê jiben kednanch patok adarunk naslolo monis. Aplê poros unnea molachea mon'xachi chakri korina toslo monis.
9. Borem ginean apnnailolo monis dhadoxi To sangta tem aikoupak lôk khuxalponnan toiar astat.
10. Zannvaiecho monis kitlo vhoddlo! Punn, Sorvesporachi bhokti korta to monis soglleam poros bhagi.
11. Sorvesporachi bhokti soglleam poros vorti, ani ticher tabo melloila taka sor korunk zata toslo hea sonvsarant konn asa?
13. Kosloi ghai upkarta, punn, kallzacho nhoi. Koslim-i kuskeponnam upkartat, punn, ostorechim nhoi.
14. Koslem-i vaitt upkarta, punn dvês kortoleachem naka, bodlo upkarta, punn dusmanamnim ghetlolo bodlo naka.
15. Eka sorpachea vikha oslem vikh ani dusmanachea bhoinkor raga sarko dusro ghat na.
16. Ekê duxtt ostorechea sangatak jielolea poros eka xinvachea vô vansvelachea sangatak jieupak hanv kobul asam.
17. Ekê ostorecho rag ticho sobhav bodolta ani tichem mukhamoll eka ragixtt vansvela sarkem korta.
18. Jedna ticho ghorkar xezareager jevnnak veta, tedna tachean aple koddu suskare damun dovorpak zainant.
19. Ekê ostorechea dusvasak khoinchoi dusro dusvas sor korpak zaina. Toslê ostorek patkeak favo zata tosli khast favo zaum!
20. Ek xant dadlo ekê sotaupi ostorechea sangatak jievop mhollear êk mhataro monis êk renvencho dongor choddlolea bhaxen.
21. Tichê sundoraiek bhulun, khoinchech ostorechea fattlean tuji tokli ibaddinaka.
22. Jedna ghorkarn aplea ghorkarak pôsta, tedna tannem tapsanneom, urmottponnam ani kendnneom sonscheô poddtat.
23. Ek tras diupi ghorkarn aplea ghorkarak humed naslolo, chintest ani dukhovlolea kallzacho korun sôddtta. Aplea ghorkarak dhadoxi korina ti ghorkarn ek sodôll hatanchi ani bagovlolea dimbianchi koxi.
24. Ekê ostorek lagon patkak survat zalea. Ani tikach lagon ami soglleamnim morunk zai.
25. Udkachea aidonak êk chil kori naka ani ekê dusvaxi ostorek tichê jibecher mekllik dium-naka.
26. Tum sangtai toxi ti cholona zalear, tika sôddun di. Ovesvor
