1. Aplê avoichea kusveantlean bhair sortat tea disachean te aplê avoi bhuimchea kusveant porot vocho porian, mon'xakulla khatir kottin kam' rochlam. Adanvanchea bhurgeancher zodd zum dovorlolem asa.
2. Fuddarachea huskeamnim tankam kiteim bhogta ani tanchem kalliz tankam bhivoit zalear, tanchea mornnachea disacho akant.
3. Mhoimechea xinvasonar bostoleank thaun tem dhul'lint ani gobrant jieupi dolldiream meren.
4. Razanchi angvostram ani mukutt ghatla taka dhôrun tem saka-fotteache kopdde nhestoleam meren sogllo krodh, nirdukai, gondoll, chanchall, mornnachi bhirant, dusmankai, zhogddem.
5. Ani ratcho aplê khatticher visôv gheta tedna legit, tachi nhid tachea huskeank novo akar dita.
6. Matso visôv ghevunk to add poddla tedna, to nhident astana disachea uzvaddant polletolea porim, bhirankull sopna taka sotaitat, ani tacho bhês zhuza moidanavelean sutton ailolea eka mon'xa porim zata.
7. Ani surokxit zagear pavtôch To ojap zaun polleta ani bhievpa sarkem kainch ghoddonk na mhunnon to ojap zata.
8. Sogllea jivank, mon'xank ani zonavorank. Ani sat pavtti odik patkeank.
9. Moronn, rogot, zhogddem, torvar, sonkoxtt, dukoll, koxtt, maramari hem sogllem asa.
10. Heô soglleô vostu noxtteam khatir rochloleô ani sonvsarant buddtti pasun tanchêch khatir ailoli.
11. Matientlean ailolem matient portota ani udkantlean ailolem doriant portota.
12. Sogllo broxttachar ani on'neai pusun uddoitole, punn, khoro bhavarth sasnnak togtolo.
13. Bekaidean ektthailoli grestkai eka vhalla bhaxen nanch zatoli. Ekach goddgoddean pavs haddlolê bhaxen.
14. Aple hat ukte korta tedna To sontosta. Ani tech porim êk patki nisonttonak pavta.
15. Eka fatracher mullam gheunk sôdtolea zhadda bhaxen, Devak mandinant tanchem kuttumb vaddchemna.
16. Sogllea tolleanchea ani nodinchea degamnim vaddtoli nondnni soglleam poilim umttovun uddoitole.
17. Doia êk axirvadacho sorg, ani bhikxa divop sasnnak togta.
18. Zachê lagim apnnak jieupa khatir khasgi upai asta ani zo konn jieupa khatir gham' gholloita, tachem jivit borem asta. Punn tachea poros eklo bhanddar melta to monis odik dhadoxi asta.
19. Eka bhurgeak zolmant haddop ani eka xarachi sthapnni korop tujem nanv togoita. Punn, êk sopurnn ostori hanchea dogaim poros vorti.
20. Zannvaiecho môg, sorea ani songita poros kallzak odik huxarkai dita.
21. Kanak godd lagpi avaz ekê pil'lukê ani vennuchea songita poros eka gitak to odik gôddsann dita.
22. Moriadichê chalik ani sundoraiek nodor axeta. Punn, tachea poros zhorichê deger kirlololê horiallichi komri odik nodrek bhorta.
23. Eka soirea vô eka ixtta vangdda borê bhaxen jieum-ieta. Punn, ekê ghorkarnik eka ghorkara vangddak jievop odik borem.
24. Oddchonni vellar bhav ani sangatak vavurpi asop borem. Punn, goribank divpachi sonvoim kelear tachê poros odik borem.
25. Bhangar ani rupem tuje paim mozbut korta. Punn, êk bori budh tachea poros odik bhovmanachi.
26. Duddu ani ghottai tuka atm visvas dita. Punn, Sorvesporachi bhokti tuka tachê poros odik borem. Tum Sorvesporachi bhokti korta tedna, tuka dusrê koslech vostuchi goroz nasta. Dusreachea adarachi-i tuka goroz nasta.
27. Sorvesporachi bhokti eka axirvadachea sorga bhaxen. Vhoddlea nanvam poros ti tuji bori rakhonn korta.
28. Mhojea puta, bhikxecher jieunk zogum-naka. Ek bhikari zalolea poros melear odik borem.
29. Tujea jevnna khatir tunvem dusreacher patieun ravchem poddlem zalear, tem jivituch mhunnon mandpachem nhoi. Dusrea mon'xachem jevonn tuji soknolli ibaddta. Ek xannom ani borê bhaxen vaddlolo monis oxem korina zaunk chotrai dhôrtolo.
30. Dusreachea kustar jietolo monis sangta teô khobrô tuka godd disot. Punn, tachea pottan uzo pett'tta. Ovesvor
