1. To melea uprant têch matient vochpa khatir Sorvesporan mon'xak matiecho rochlo.
2. Tannem tankam khub dis ani vêll dilo ani sonvsarantlea protek vostucher tannem tankam dhoniponn dilem.
3. Aplêch porim Tannem tankam ghôttsannin bhôrle ani tankam apnna sarkeache kele.
4. Sogllea mon'zatink Tannem mon'xanchê bhirantin bhôrle ani mon'xank zonavoram ani suknneam voir tabo dilo.
6. Tannem tankam êk jib, dolle ani kan dile, ani chintchê khatir tankam ek kalliz ani ontoskornn dilem.
7. Tannem tankam zannvaien ani xanneponnan bhôrle, ani borea ani vaittachi tankam somzonni dili.
8. Aplê rochnnechi voibhovxali dakhounk Tannem tanchea kallzamnim sotacho uzvadd ghatlo.
10. Mhonnttôch te Tachea povitr nanvancho joijoikar kortole ani Tachi voibhovxal sobhemazar jahir kortole.
11. Tannem tanchea fuddean zannvai dovorli ani tankam jivitache kaide favo kele.
12. Tanchê modem Tannem êk sasnnik korar kelo ani tankam aple nem' dile.
13. Tannim aplea dolleamnim Tachem mahan voibhov pollelem ani tachi voibhovxali aplea kanamnim aikoli.
14. Tannem tankam khotteponna sombondan chotur kele ani aplê sorxim koxê porim cholunk zai tê vixim aple updes dile. Tannem tankam sanglem: `Vaitt kortubancher chotrai dhôrat.'
15. Mon'xachim kortubam Sorvesporachê nodrê mukhar asant. Tachê nodrê poros pois kitench liponk xokona.
17. Protekak Tannem raza dila. Punn, Israel Sorveporachi svotachi som'poti.
19. Tanchim kortubam suriachea prokasa porim Taka nivôll distat, Tanchê vagnnukecher sodanch Tachi nodor asta.
20. Tanchim khotteponnam taka lipun kuxik asonant ani tanchim sogllim patkam Tachea mukhar asant.
22. Ami goribank bhikxea ditanv ti Taka êk sundor moladik mudi koxi. Mon'xachem udharponn, To aplea dolleanchi muddolli sambavlolea porim samballtolo.
23. Ek dis to utton tankam favo to inam' ditolo. Tankam favo tea manacho mukutt tanchea mostokar ghaltolo.
24. Patok roddtoleank Dev portun haddta ani niraxi zal'leank To buzvonn dita:
25. Patok sôddat ani Sorvespora-xim portun ieiat, Tachê mukhar prarthon korun magat ani tumchea opmanancho bhar unno korat.
26. Bhov Vortea Deva-xim portun ieiat ani patok sôddun diat, sogllê vikottaiecho dvês dhôrat.
27. Jivim asat tim Bhov Vortea Devak vakhanntat: Patallant Taka konn vakhanntolo?
28. Morun geleant, anink jivim nant, tanchean vakhannunk zaina; jivim ani bholaiken asat tancheanuch Sorvesporachi vakhann'nni korunk zata.
29. Apnna-xim portun ietat tanchê thaim Sorvesporachi kaklut kitli vhôdd, mit-mer naslolem Tachem bhogsonnem!
30. Amchê lagim protek vost asunk xokona. Kiteak, mon'xakull ovinaxi nhoi.
31. Suriachea uzvadda poros chokchokit kitem asam? Torui taka girann lagta. Toxench kudd ani rogot fokot vaittuch ievjitat.
32. Sogllea noketram voir Sorvesporachean apli nodor dovorpak zata Tachê mukhar sogllim mon'xam dhul'l ani gobôr. Ovesvor
