1. Somurt samballta to monis zaite iodn korta;
2. adnia pallta to monis xantiche iodn bhettoita.
3. Upkar attoita to borea pittachi bhettovnni korta,
4. ani bhik dita to vakhann'nnecho iôdn somorpita.
5. Khotteponna thaun tum pois sorxi zalear, Sorvesporak tum manovtoloi; opromannikponn sôddxi zalear, farikponn tum ditoloi.
6. Ritea hatamnim Sorvespora mukhar ieum naka;
7. kiteak heô soglleô vostu Somurti pormannem tunvem korunk zai.
8. Promannik mon'xachi bhettovnni vedi makhta, ani ticho pormôll Bhov Vortea Deva-xim choddot veta.
9. Sugunni mon'xacho iôdn Devak manovta, ani tacho ugddas sodanch urtolo.
10. Udarponnan Sorvesporachi vakhann'nni kôr, tujea vavrachim prothom' follam bhettounk imtteponn korum naka.
11. Hanstea tonddan soglleô tujeô bhettovnniô kôr, ani khuxalkaien tuzo dhavo vantto di.
12. Bhov Vortea Devan tuka dilam toxem, tujê kuveti pormannem udarponnan tum-i di;
13. Mon'xachea tonddak polleun To goribak dukhoina, dukhovloleacho ulo To aikun gheta.
14. Onathachea magnneachi To beporva korina, toxench vidvecho vilap To visorna.
15. Apnnak dukhant ghaltloleache guneanv porgott'tana, Tichea poleanvelean dukham denvtat nhoi?
16. Sogllea kallzan Devachi seva korta to Taka man'tolo, tachim magnnim kupam-xim pavtolim.
17. Khaltea mon'xachem magnnem kupank topta, tem xarti pavo-sôr taka koslich buzvonn na.
18. Bhov Vortea Devan tacher nodor mari porian ani sugunni mon'xachi nit korun Aplo nivaddo dii porian, to ogo ravcho na.
19. Ani Sorvespor uxir korcho na, tankam rokddoch pavtolo.
20. Kaklut nasloleacho nas kelea xivai ani khotteank favo ti khast lailea xivai.
21. Urmottanchea urponzancho nas kelea xivai ani noxtteanchi raj-sot'tea kosllailea xivai.
22. Protek mon'xak tachea kornneam pormannem, tachea kortubam ani hetu pormannem favo tem farik kelea xivai.
23. Aplê porjechea prosnachi nit kelea xivai ani Aplê kaklutin te dhadoxi zalea xivai To thambcho na.
24. Dukolla uprant ietolea pavsa porim Tachê kaklutik ievkar ditat. Ovesvor
