1. Magir tea mon'xan mhaka bailea angnnant vhelo ani Devmondirachê ut'torek aslolê bandavolli-xim pavoilo; hi bandavôll Devmondirachê ostomtek aslolê bandavolli thaun pois nasli.
2. Hê bandavollichi lambai pon'nas metranchi asli, ani tichi rundai ponchvis metranchi.
3. Êkê vatten ti Devmondirak tenkun aslolea dha metr rund zageak fuddo kortali,
4. ani dusrê vatten bhailea angnnachê forxinchê zomnik ti fuddo kortali. Bhailea choukachê forxianchê zomnir panch metr rund ani pon'nas metr lamb ekar êk tin sojje asle; tancho provês ut'torê vatten aslo.
5. Odik unchleô kuddi modlea ani sokoilea kuddim poros odik oxir asleô, kiteak teô odik fattim bandloleô asleô.
6. Tin-ui sojjeancher asloleô kuddi terasancher bandloleô asloleô ani, angnnantlea heram bandavollik asle toxe, tankam pondchean khambe nasle.
7. Sokoilea sojjeacher bandavollichi bhaili vonnôt ponchvis metranchê lambaiek, mhonngê tichê ordê lambaiek, dhôdd asli; ani urlolea ponchvis metranchê lambaiecher kuddi asleô. Unchlea sojjeacher xekan'xek kuddi asleô.
9. Hea don kuddim pondak, udenti vatten tonkar, vonnôt suru zatali thoim, bhailea angnnant vochpak vatt asli. Dev-mondirachê dokhinnek toslich aniêk bandavôll asli; hi ostomtek aslolê bandavolli thaun pois nasli.
11. Kuddim mukhar, ut'torê vatten asli toxich, êk vatt asli. Tichi lambai ani rundai titlich; akar-ui tosloch ani têch bhaxechim daram.
12. Bandavollichê dokhinnê vatten, ostomtechea tonkar, vonnôt suru zatali thoim, kuddim pondak ek dar aslem.
13. Tea mon'xan mhaka mhollem: 'Heô don-ui bandavolli povitr. Sorvespora mukhar vetat te iadnik tantum bhov povitr bhettovnniô khatat. Kuddi povitr dekhun, iadnik thoim bhov povitr bhettovnniô dovortole: orovacheô bhettovnniô ani patka khatir bhettoilol'lim ani farikponnachim bolidanam.
14. Jedna iadnik Dev-mondirant gel'le ani dusrea angnnant vochunk sôdtat, Sorvesporachi seva kortana tãnnim ghal'lim povitr vostram tãnnim hea kuddim-nim dovrunk zai. Bhair, lôk ektthaim zata thoim vechê adim, tãnnim dusrim vostram ghalchim.'
15. Tea mon'xan Dev-mondirachem bhitorlean zokh gheun sompoilea uprant, tannem mhaka udentichea darvontteantlean bhair vhelo ani tedna bhailem zokh ghetlem.
16. Tannem zokh ghevpachi boddi ghetli ani udentichê bazuchem zokh ghetlem: don'xim pon'nas metr asle.
17. Magir tannem ut'torêchi bazu ani dokhinnechi bazu ani ostomtechi bazu zokhun kaddli. Dôr êk bazu têch lambaiechi asli: don'xim pon'nas metr.
20. Oxem hi vonnôt dôr-êkê vatten don'xim-pon'nas metranchê chovkonnek veddho ghaltali. Povitr ani opovitr vostu veglleô-veglleô koxeô dovrunk hi vonnôt upkartali.
