1. Magir tea mon'xan mhaka Devmondirachea modlea bhagant vhelo ani tachea khambeanchem zokh ghetlem: te lambaien tin metranche ani rundaien panch metranche asle.
2. Provesachi rundai panch metranchi asli ani dôr-êkê vatten oddês metrancheô vonnti asleô. Tea kuddachem zokh kaddlem: tachi lambai vis metranchi ani rundai dha metranchi asli.
3. Magir to bhitôr gelo ani darachea khambeanchem zokh kaddlem: tanchi lambai eka metrachi, ani rundai tin metranchi asli. Don-ui vattamnim tanchi dattai saddê-tin metranchi asli.
4. Magir tannem tachi lambai zokhun kaddli: ti dha metranchi asli, ani toxench tachi rundai dhach metranchi. Tannem mhaka mhollem: 'Hem Porom'-Povitr-Sthan.'
5. Magir tannem Devmondirachea vonntinchem zokh kaddun ghetlem: tanchi dattai tin metranchi asli. Hea vonntink tenkun ak'khea Devmondira bhonvtim rundaien don metrancheô lhan-lhan kuddi asleô.
6. Hea kuddink tin malloiô asleô, êk-êkê malloier tis kuddi. Êk-êkê malloier Devmondiracheô bhaile ôvonnti sokoilê malloiê poros odik barik asleô; oxem heô kuddi vonntincher sarkeô bosoil'leô punn soikoilea vonntimnim teô ghusunk nasleô.
7. Oxem, bhailean pollelear, Devmondiracheô vonnti sokla thaun voir porian êkêch dattaiecheô distaleô. Devmondirachê bhailê vonntik tenkun, kuddim bhailean, don rund xiddiô bandloleô asleô; oxem sokoilê malloiê thaun modlê ani unchlea malloiancher choddun vochunk zatalem.
8. Hea kuddinchi bhaili vonnôt dattaien oddês metranchi asli; Devmondirachê ut'tore vatten aslolea kuddimnim bhitôr sorunk ek dar aslem, ani toxench dokhinnê vatten aslolea kuddimnim bhitôr sorunk ek dar. Dev-mondira sobhonvtim sogllea vattamnim oddês metr rund êk teras aslo mhonn hanvem dekhlem; to tin metr zomni voir aslo, ani to ani Devmondirachê kuxik aslolea kuddinchi buniad ekach panvddear aslim. Hea terasa ani iadnikank dovorlolea kuddim modem Devmondirak tenkun dha metranchi êk ukti svat asli.
12. Dev-mondirachê ostomtek, uktê svatechea tonkar, lambaien ponchêchallis ani rundaien ponchtis metranchi êk bandavôll asli; ticheô vonnti xekan'xek oddês metranchê dattaiecheô asleô.
13. Tea mon'xan bhailean Devmondirachem zokh kaddlem: lambai pon'nas metranchi asli.
14. Ani Devmondira fattlean thaun ukti svat kaddun bandavollichê ostomtek aslolea tonka porian-ui pon'nas metranchi ontôr asli.
15. Ostomtê vatten, don-ui vattamnim aslolim varandam dhôrun, Devmondirachi lambai tannem mezun kaddli; hanga-i pon'nas metr mell'le. Devmondirachea provesacho vosro, Povitr Sthan ani Gabharo
16. hanchea vonntink zomni thaun zonelanchê unchiek porian lankudd marlolem aslem. Hea zonelank êk podd'do aslo.
17. Devmondiracheô bhitorleô vonnti daranchê unchiê porian kantoil'lea chitramnim bhôrloleô asleô;
18. him chitram khazur-maddanchim ani paktte aslolea mon'zatichim; êk khazur-madd, êk mon'zat, eka pattlean êk, oxem ak'kea vosreacheô vonnti bhòrloleô.
19. Dôr-êkê mon'zatik don tonddam aslim: ek tondd mon'xachem ani hem khazur-madda vatten voll'lolem aslem; ani dusrem tondd xinvachem teach madda vatten voll'lolem aslem. Ak'khê vonntik xekan'xek oxench aslem,
20. zomni thaun daram voir porian.
21. Povitr-Sthanachea daranche khambe chovkonne asle. Gabhareachea provesa mukhar kitem-xem aslem; tem distalem
22. êk lankddachi vedi. Tachi unchai dêdd metrachi, ani rundai êk metrachi. Konnxeache khambe, umbro ani kuxi lankddachinch aslim. Tea mon'xan mhaka sanglem: 'Hem Sorvespora fuddeant ubem asa tem mez.'
23. Povitr-Sthanant bhitôr sorunk ek dar aslem, ani toxench Gabhareant bhitôr sorunk ek dar.
24. Ani dôr-ek dar zodde aslolea don-don kovddanchem.
25. Vonntincher aslim toxim, hea povitr zageachea darancher khazur-madd ani pakhotteancheô mon'zati kantoil'-lim aslim. Ani Povitr-Sthana mukhar aslolê devddek bhailean êk lankddacho mallo aslo;
26. hê kuddichea kuxink zonelam aslim ani vonnti khazur-maddamnim nettoil'leô asleô.
