1. Sorvesporachem utor mhaka pavlem; Tannem mhollem:
2. Mon'xachea puta, dak-velichem lankudd ranantlea eka zhaddachea khandeachea lankdda poros koxem odik borem?
3. Tachem lankudd kitem-i tori korunk upkarta? Vostu lambovpacheô khunnttiô tea lankddacheô kortat kai?
4. Hem polle zollôv koso ujeak ghal'lem asa. Tachim don-ui tonkam ujean lastat, ani modlea kuddkeacho zata kollso: atam kiteak mhonn tem upkarta?
5. Ak'khem aslem tedna, tachem kitench korunk zainaslem; atam ujean lason vetôch ani tache kollxe zatôch, anink kiteak mhonn upkartolem tem?
6. Mhonnttôch Sorvespor Dev oxem sangta: Ranantlea zhaddam modlem dak-velichem lankudd zoxem Hanvem zollôv koso ujean lasunk uddoilem, toxem Hanv Jerusaleant ravtoleank kortolom.
7. Tanchê virudh utthun tankam fuddo kortolom. Eka ujeantlim tim suttlim zait, tori uzoch tankam girastolo. Ani jedna tanchê virudh utthun Hanv tankam fuddo kortolom, tedna Hanv Sorvespor mhonn tumkam kollon ietolem.
8. Tanchea ovisvaxiponna pasot desachem Hanv kortolo moronnem. Uloita to Sorvespor Dev!
