1. Sorvesporan Moizesak mhollem:
2. Eka mon'xachê katir suz, vô ghavo vô êk khot, vô mel'lea moddeak afddun oxud'dh zala -hankam soglleank moidana-vele bhair ghalunk Israel-porjek hukum' di.
3. Riti pormannem oxud'dh tankam soglleank bhair ghal, hê porim, hanv thikann korun asam to zago boxttovchona.'
4. Israel-porjen haka pallo diun, tankam soglleank bhair ghale.
5. Israel-porjen pallchê khatir, Sorvesporan Moizesak
6. hi xikounn dili. "Konn-ui Sorvesporacher add ieun pelea vixim vaitt adarta,
7. tannem aplo guneanv kobul korcho ani kitem farik korchem asa tem korun, tea bhair tannem tacho êk panchvo vannto diuncho.
8. Punn zaka luskan zal'lem to monis melo, ani taka lagxile soire nant zalear, tem farikponn Sorvesporachê nanvim iadnikak korchem. Hem farikponn xudh'dhichea menddrea bhair; hi rit guneanvkarea vixim iadnik palltolo.
9. Jem kherit dan-dennem Israel-porza korta, tem-i iadnikak veta.
10. Êk-êk iadnik, taka keloli bhett apnnak dovortolo."
11. Israel-porjek hi xikounn diunchê vixim Sorvesporan Moizesak formailem. "Êk poti aplê potinichê moriadi vixim dubavta, ani dusrea dadlea sangata jielea mhonn somzota, punn hachi konnachean govai diunk zaina, kiteak ti bail sobhemazar sampddunk na. Vô, borem karonn nastana, to aplê bailek dubavta, ani ticho guneanv na.
15. Koxem-i tem zanv, poti tê bailek iadnika-xim gheun vetolo. Tharailolem dan, don rat bajrechem pitt punn tantunt tel misoll korchona, vô dhump-ui ghalcho-na, kiteak tem, sot uzvadda haddchê khatir, dubavtolea ghovachem dan.
16. Iadnik tika fuddem vhorun vedi mukhar ubi kortolo.
17. Eka matiechea aidonant to povitr udok ghaltolo, ani SorvesporacheaTombunt zomnir asa tantli ili dhul'l-mati misôll kortolo.
18. Magir, tê baileche kens sôddtolo, ani tem pittachem dan tichea hatamnim ditolo. Iadnik aplea hatamnim koddu-udkachem, xirap-ghaltolea udkachem aidon dhôrtolo.
19. Uprant, tinnem soput gheunk iadnik tika suchoitolo, hê porim: 'Tunvem pordvar adarunk naim zalear, hem xirapachem udok tuka vaitt korchem na.
20. Punn tunvem khorench pordvar adarlãi zalear,
21. Sorvespor tujea nanvak porjê mukhar xirap ghalum. Tuje ling-sandhe sukon vochum ani tujem pott fugum.
22. Atam hem udok tujea pottant bhitôr sorum, ani pott fugum ani tuje lingi-sandhe sukum.' Ti bail, zobab diun, mhonnttoli, 'Amen! Amen!.'
23. Magir iadnik ho xirap boroitolo ani boroilam tem koddu-udkachea aidonant dhutolo.
24. Hem udok tê bailek pieunk diunchê adim, kiteak tem udok ghoddiê tika koxttaitolem,
25. iadnik tichea hatantlem pitt ghetolo, ani Sorvesporak bhettoun vedir vhortolo.
26. Uprant, tantlem ilem pitt, bhettechi êk khunna koxi, vedir hulpaitolo. Xekim, to tem udok tika pieunk ditolo.
27. Tinnem khorench pordvar adarla zalear, tem udok tika borech koxtt ditolem; tichem pott fugtolem ani tiche lingi-sandhe sukon vetole. Ani porjê modem tichem nanv ek xirap zaun astolem.
28. Punn ti guneanvkari nhoi zalear, tika kãich vaitt zaunchem na, ani tichean bhurgim utpon korunk zatolem.
29. Aplê bailê vixim ghov dubavta tedna ho kaido lagta. Ti bail vedi mukhar ubi ravtoli, ani iadnik tichê vixim hi rit palltolo.
31. Ghovacho guneanv ascho-na, punn ti bail guneanvkari zalear, tinnem aplê kornnecho porinam' bhôgcho poddtolo."
