1. "Satvea mhoineachea poilea disa, tumi man-nomoskarak ektthaim zaunchem ani vavr korcho nhoi. Tea disa tuturi sadouncheô.
2. Sorvesporak mandta toslo êk paddo, êk menddro, ani vorsache sat menddurle, soglle koslench khot-naslole hom'-bhettek haddche.
3. Tea borabor, tharailolem telan misoll kel'lem orovachem dennem: efachim tin doskam pitt paddeak, don doskam menddreak, ani
4. satam modlea dôr menddurleak êk dhavo vantto.
5. Ani patkanchea farikponnak êk bokddo, ani hê porim porjechi xudh'dhi zatoli.
6. Ani hem, dispott'ttê orovachê bhettê bhair, soreachê bhettê sangata. Him khann-dennim Sorvesporak mandtat.
7. Satvea mhoineachea dhavea disa, porjen man-nomoskarak ektthovchem, upas korcho ani vavra-mekllim ravchem.
8. Sorvesporak hom'-bhett korchi, ticho pormôll taka mandta: koslench khot-naslole êk paddo, êk menddro, ani vorsache sat menddurle haddche.
9. Tachê borabor telan misôll kel'li orovachi bhett: paddkeak efachim tin doskam pitt, menddreak don doskam,
10. ani satam modlea dôr menddurleak êk dhavo vantto.
11. Tech porim patkanchea farikponnak êk bokddo, hê porim porjechi xudh'dhi zatoli. Ani hem, dispott'ttê orovachê bhettê bhair, soreachê bhettê sangata korchem.
12. Satvea mhoineachea pondravea disa, man-nomoskarak porjen zomchem. Ho sonvskar, Sorvesporachea manak, sat dis togtolo, ani vavr korcho nhoi.
13. Poilea disa, Sorvesporak khann-bhett taka mandta toxi: tera padde,don menddre, ani vorsache chovda menddurle, koslench khot-naslole haddche.
14. Hanchea sangata, telan misôll kel'lo orôv: tera paddeantlea dor paddeak efachim tin doskam pitt, don menddreantle dôr menddreak don doskam
15. ani chovda menddreantlea zonn-ekleak ek dosok.
16. Patkanchea farikponnak êk bokddo bhettouncho. Ani hem sogllem, dispott'ttê orovachê bhettê bhair, ani soreachê bhettê sangata bhettounchem.
17. Dusrea disa, koslench khot naslole bara padde, don menddre, ani vorsache chovda menddurle bhettounche.
18. Hanchê borabor, poilea disa kel'leô toxeoch herui bhettô korcheô.
20. Tisrea disa, ikra padde, don menddre, ani vorsache chovda menddurle,
21. hanchê borabor, poilea disa kel'lem tê porim, herui bhettô korcheô.
23. Chovthea disa, dha padde, don menddre, ani koslench khot-naslole, eka vorsache chovda menddurle bhettounche.
24. Hanchê borabor, poilea disa porim, urloleô-i bhettô korcheô.
26. Panchvea disa, nnov padde, don menddre, ani koslench khot-naslole, eka vorsache chovda menddurle bhettounche.
27. Hanchê borabor, poilea disa porim, urloleô soglleô bhettô korcheô.
29. Sovea disa, atth padde, don menddre, ani koslench khot-naslole eka vorsache chovda menddurle bhettounche.
30. Hanchê borabor, poilea disa porim, urloleô soglleô bhettô korcheô.
32. Satvea disa, sat paddke, don menddre, ani koslench khot-naslole eka vorsache chovda menddurle bhettounche.
33. Hanchê borabor, poilea disa porim, urloleô soglleô bhettô korcheô.
35. Atthvea disa, man-nomoskarak porjen ektthaim zaunchem, ani vavr korcho nhoi.
36. Sorvesporak êk hom'-bhett, khann-bhettechem dennem koxem korchi, ticho pormôll Sorvesporak mandta: êk paddo, êk menddro, ani eka vorsache sat menddurle koslench khot naslole bhettounche.
37. Hanchê borabor, poilea disa porim, urloleô soglleô bhettô korcheô.
39. He zaun asat Sorvesporan tharailole nem' sorv bhettem vixim; ani tumi teô nemlolea somoiar korunk favo. Tea bhair, tumcheô angovnnecheô-bhettô, ani khoxe-monan kel'leô bhettô. Tôr,S orvesporan sanglolem titlem-i Moizesan porjek kollit kelem." '
