1. Sthaplolea kalla-somoiar Sorvesporak khann-bhettô korunk, hom'-bhettê khatir, Israel-porjek xikounn diunchê vixim, Sorvesporan Moizesak hukum' dilo.
3. Sorvesporak mandtat, dekhun, heô khann-bhettô korunk zai: "dispott'ttê hom'-bhettek, vorsache ani khot-khodd naslole don menddre-purus.
4. Êk menddro sokallim, ani dusro sanjê;
5. ani don-ui pavtti, tea borabor, orovachi bhett: pavttik, efacho dhavo vantto pitt, eka hinacho chovtho vantto zoitunachea telan misôll kel'lem.
6. Hi dispott'tti bhett, ani ekannem hulpon vetoli osli, poilê pavtt, Sinai Dongrar Sorvesporak khann-bhett kel'li, ani ticho pormôll Sorvesporak mandlo.
7. Poilea menddrea borabor, hinacho chovtho vantto soro votouncho.
8. Sanjechê bhettek, toxench, orovachi ani soreachi bhett. Hê khann-bhettecho pormôll Sorvesporak mandta.
9. Son'varachea disa, vorsache ani khotnaslole don purus menddre, efachim don doskam pitt ani telacho misôll orovachê bhettek, ani soreachi bhett.
10. Hi bhett dôr Son'vara korunk zai (Dispott'ttê bhettê bhair, soreachê bhettê sangata).
11. Dôr mhoineachea poilea disa, Sorvesporak êk hom'-bhett korchi: don padde, êk menddro, vorsache sat purus-menddre, koslench khotnastana.
12. Orovachê bhettek, telan misôll kel'lem efachim tin doskam pitt bhettounchem: dôr paddkeak don doskam pitt; menddreak don doskam;
13. ani dôr menddurleak ek dosok. Heô hom'-bhettô, zancho pormôll Sorvesporak mandta, hom'-bhettê khatir, khann-bhettô zaun asat.
14. Tachê borabor soro: hinachem ordh dôr paddeak, hinacho tisro vantto menddreak, ani dôr menddurleak, hinacho chovtho vantto. Mhoineachê poiler, vorsa modem, hom'-bhett kortat tika ho nem' pallcho.
15. Ani dispott'tti hom'-bhett, sorea borabor, kortat tichê bhair,p atkanchea farikponna khatir Sorvesporak êk bokddo bhettouncho.
16. Poilea mhoineachê chovdaver, Sorvesporachea manak Suttkechi Porob pallchi.
17. Pondraver, khomir naslolea unddeanchi porob suru zata ani sat dis togta, ani hea disamnim fokot khomir naslole undde khaunche.
18. Hê porbechea poilea disa, porjen man'-nomoskarak ekttovchem ani vavr korcho nhoi.
19. Hom'-bhettek don padde, êk menddro, ani vorsache sat menddurle, soglle khot-naslole, Sorvesporak bhettounche.
20. Ani tachê borabor veta, ti orôv telachi misôll-bhett: dôr paddeak efache tin dosok pitt, menddreak efache don dosok,
21. ani satam modlea dôr menddurleak êk dhavo vantto.
22. Ani patkanchea farikponnak êk bokddo bhettouncho, ani hê porim porjechi xudh'dhichi rit pallchi.
23. Hem sogllem, dôr sokallchê hom'-bhettê bhair.
24. Têch porim sat-ui dis Sorvesporak khann-bhett korchi, hicho pormôll taka mandta. Ani hem dispott'ttê hom'-bhettê ani soreachê bhettê bhair.
25. Satvea disa, porza man'-nomoskarak ektthovta, ani vavra meklli ravta.
26. Pikachê porbê-somoiar, konn poilim follam Sorvesporak bhettoitat, tea poilea disa, man-nomoskarak porjen ektthaim zaunchem, ani tea disa vavr korcho nhoi.
27. Sorvesporak mandta toslê koslench khot-khodd naslolê hom'-bhettek don padde, êk menddro, ani vorsache sat menddurle haddche.
28. Borabor vetolê orôv-bhettek, dôr paddkeak efachim tin doskam, menddreak don doskam,
29. ani satam modlea dôr menddurleak êk dhavo vantto telan misôll korun.
30. Têch porim, porjechi xudh'dhi-rit pallun ieunchê khatir, patkanchea farikponnak êk bokddo bhettouncho.
31. Ani dispott'tti hom'-bhett zata tea bhair, soreachi bhett orovachê bhettê sangata bhettounchi" '
