1. Moizes ani Aaronachea fuddaripona khal, Israel-porjen, Ejiptantlim bhair sorloleak, vegllea-vegllea zageancher aplem thikannn kelem tanchim nanvam dita.
2. Sorvesporachea hukumak pallo divun, Moizesan moidananchem ek-ek nanv boroun dovorlem, jedna te dusrea zagear aplem thikann korit.
3. Poilea mhoineant tim Rameses sôddun gelim. Ejiptkaranchea dolleam mukhar, Israelit lôk bhorvanxan bhair sorlo, tedna, Paskanchê Porbê uprantlo poilea mhoineacho pondravo dis zaun aslo.
4. Ejiptantlo lôk aplea malgoddea meloleank purtalo, hankam Sorvesporan marun uddoile, hea vorvim, aplem boll tanchea devam poros vortem mhonn dakhoun dilem.
5. Rameses thaun vochun, Israel porjen Sukkot ganvant aple tombule ubharle.
6. Tanchem dusrem moidan Etham' ganvant, oronneachê ximer.
7. Hanga thaun tim porot gunvon Pi Hahirot, Baal Zefonachê udentek gelim, ani Migdol ganvam-xim aplem moidan sthaplem.
8. Pi Hahirot thaun tim, Tambddo Doria utrun, Shurachea oronneant pavlim; ani tin dis cholun gelea uprant, tãnnim Mara ganvant aplem thikann kelem.
9. Hanga thaun tim Elim ganvant gelim, ani hanga aple tombule ubarle, kiteak hea zagear udkacheô bara zhori asleô, ani sot'tôr madd.
10. Elimachim bhair sorun, tannim Suezachê Kholliê-xim aplem thikann kelem.
11. Uprant, Sinachea oronneant tim pavlim.
12. Magir, Dofkak ganvant,
13. tea uprant, Alush ganvant.
14. Tea magir, Refidim; hanga pieunk udok naslem.
15. Refidim thaun tim Hor Dongrar vechê vattek laglim,
16. ani jin'sanvar zageancher tannim tombule ubarle:
17. Sinai Oronneant,
18. Kibrot Hattaava (vô 'Asheche Fondd'),
19. Hazerot,
20. Rithma Rimmon Perez,
21. Libna Rissa,
22. Kehelatha,
23. Shefer Dongor,
24. Harada Makhelot,
25. Tahat, Tera,
26. Mithkak,
27. Hashmona,
28. Moseroth,
29. Benejaakan,
30. Hor,
31. Higgid-gad,
32. Jotbatha,
33. Abrona,
34. Ezion-Geber,
35. Zin'chem oronnem (dusrea nanvan, Kadesh),
36. ani Hor Dongor,
37. Edomachê ximer.
38. Sorvesporachea hukumak pallo divun, Aaron-iadnik Hor Dongrar voir choddlo.
39. Ani ekxem tevis (123) vorsanchê piraier thoim melo- Israel-porza Ejiptantli bhair sorun ailea uprant challisvea vorsa, panchvea mhoineachea poilea disa.
40. Dokhinn Kanaanchea Arad patxaian Israel-porza ieta mhonn aikolem.
41. Hor Dongrar thaun tim Moabachea moidanar pavlim, ani zaitea zageancher tãnnim tombule ubarle,
42. hê porim: Zalmona, Punon,
43. Obot, Moabachea moddon poddlolea ganvamnim,
44. Abarim' mhonnttat thoim, Dibon Gad,
45. Almon Diblathaim', Nebo Dongra-xim Abarim' Dongrar,
46. ani Moabachea moidanar Jordan Nodi poltoddi,
47. Jeriko samkar,
48. Bet Jeshimot
49. ani Akasia Ghola modem.
50. Moabachea moidanar, Jeriko thaun Jordanachea dusrea ordan, Sorvesporan Israel-porjek kollit korunk Moizesak
51. hi xikounn dili: 'Tumi Kanaan ganvant vochunk Jordan utortat tedna,
52. "thoinchea sogllea lokak tumi bhair ghalunk zai. Tanche fatrache ani dhatuche kud'de-dev môddun uddoiat ani bhozpache zage sokla ghalat.
53. Ganvant bhitôr sorat, ani thoim thikann korat, kiteak hanv tumkam to ganv ditam.
54. Tumchea kullam ani hanchea fantt-kullam pormannem ganv tumkam vanttun gheiat, sorti ghalun, vhoddlea kullak vhoddlo vantto, ani dhaktteak dhaktto.
55. Punn tumi ganvchea lokak bhair ghalinant zalear, thoim urta to lôk, dolleantlim kuskuttam koxim, ani tumchea donui kuxink kantte-khuntte koxe tumkam bogor-bogor oddchitole.
56. Ani tumi tankam bhair ghalinant zalear, tankam hanvem dhanvddaunk ievjilam, têch porim, hanv tumchê sovem kortolom. " '
