1. Ti voxeachi pidda somplea uprant, Sorvesporan Moizesak ani Eleazarak, Aaronachea putak, mhollem:
2. Ak'khê Israel-porjechi, kuttumban-kuttumb, gontti kôr; vis ani voir piraiechea ani loddai xipaikek upkartat toslea puruxancho hixôb kôr.'
3. Haka pallo diun, Moizesan ani Eleazaran tea vorsanchê piraiecheank apoile.
4. Moabachea unch-moidanar, Jordan Nodi ani Jeriko mukhar. Israel-porjentle, Ejiptantle aile te he:
5. Reubenachem kull (Reuben Jakobacho malgoddo put); Hanok ani Pallu hanchi sonsôt,
6. Hezron ani Karmi hanchi sonsôt.
7. Hea kull-kullanche soglle mellun tevechallis hozar, satxim tis(43,730) dadle zatale.
8. Palluchi sonsôt: Eliab
9. ani tache put Nemuel, Dathan, ani Abiram'. (Dathan ani Abiram' hankam porjen vinchun kaddlole,Te Moizesacher ani Aaronacher add kolpole ani Korachea bhagant gele dekhun Sorvesporacheruch add kolpole.
10. Zomin ukti zaun tankam girasle. ani Kora ani hacho patthlav kelo tea oddexim (250) mon'xam borabor ujeant morun gele; urlolea lokak tannim xiddkaile.
11. Punn Korache put mele nant.)
12. Simeonachem kull: Nemuel, Jamin,Jakin,
13. Zera, ani Shaul hanche purvoz.
14. Hea kull-kullanche soglle mhonnon bavis hozar, don'xim (22,200) dadle zatale.
15. Gadachem kull: Zefon, Haggi, Xuni,
16. Ozni, Eri,
17. Arod, ani Areli.
18. Hea kull-kullanche soglle mellun challis hozar, painxim (40,500) dadle zatale.
19. Judachem kull: Xela, Perez, Zera,Hezron, ani Hamul hanchi sonsôt.(Judache dog put Er ani Onan Kanaan ganvant mele).
22. Hea kull-kullanche soglle mhonnon xat'tôr hozar, painxim (76,500) dadle zatale.
23. Issakarachem kull: Tola, Pua,
24. Jaxub, ani Shimron hanchi sonsôt.
25. Hea kull-kullanche soglle mhonnon chovsôtth hozar, tin'xim (64,300)dadle zatale.
26. Zebulunachem kull: Sered, Elon,ani Jahleel hanchi sonsôt.
27. Hea kull-kullanche soglle mellun satth hozar, painxim (60,500) dadle zatale.
28. Juzechim kullam: tache dog put,Manasse ani Efraim'.
29. Manassechem kull: Tacho put Makur ani ho Gileadacho bapui. Ani Gileadachim kull-kullam him:
30. Iezer, Helek,
31. Asriel, Shekem,
32. Shemida, ani Hefer.
33. Heferachea putak Zelofehadak put nasle, fokot dhuvô; tanchim nanvam: Malah, Noah, Hogla, Milka, ani Tirza.
34. Hea kull-kullanche soglle mhonnon bavon hozar, satxim (52,700) dadle zatale.
35. Efraimachem kull: Shuthela, Baker,ani Tahan hanchi sonsôt.
36. He Shutelache put: Erana khatir,Eranachea kulla pormannem.
37. Hea kull-kullanche soglle mhonnon bot'tis hozar, painxim (32,500)dadle zatale. Hancho soglleancho purvoz Juze.
38. Benjaminachem kull: Bela, Ashbel,Ahiram,
39. Shefufam, ani Hufam hanchi sonsôt.
40. Ard ani Naaman hancho purvoz Bela.
41. Hea kull-kullanche soglle mhonnon ponchêchallis hozar, soixim(45,600) dadle zatale.
42. Danachem kull: Hushimachis onsôt,
43. ani hea kull-kullache soglle mellun chovsôtth hozar, charxim (64,400)dadle zatale.
44. Asherachem kull: Imna, Ishvi, ani Beria hanchi sonsôt.
45. Heber ani Malkiel hancho purvoz Beria.
46. Asherak êk dhuv asli, ani tichem nanv Sera.
47. Hea kull-kullanche soglle mhonnon trepon hozar, charxim (53,400)dadle zatale.
48. Naftalichem kull: Jazeel, Guni,
49. Jezer, ani Shillem hanchi sonsôt.
50. Hea kull-kullanche soglle mellun ponchêchallis hozar, charxim(45,400) dadle zatale.
51. Hê gonttent mhezle tancho soglleancho ank sov lakh, êk hozar, satxim tis (6,01,730) dadle.
52. Sorvesporan Moizesak mhollem,
53. Zonn-eka kullache vhoddaiê pormannem ganv vanttun kadd;
54. vhoddlea kullak vhoddlo vantto ani dhaktteak dhaktto vantto. Ani sorti ghalun te vantte kôr.'
57. Levichem kull tin kullamnim atthaplolem: Gershon, Kohat ani Merari.
58. Hanchi sonsôt: Libni, Hebron,Mahli, Mushi, ani Kora. Kohat zaun asa Amramacho bapui;
59. Amram Levichê dhuvêkodde logn zal'lo, hi Ejiptant astana zolmol'li; tichem nanv Jekobed ani Amramak tinnem dog put utpon kele: Aaron ani Moizes, ani êk dhuv Miriam.
60. Aaronak chovg put asle, Nadab, Abihu, Eleazar, ani Ithamar.
61. Nadab ani Abihu mele jedna tãnnim opovitr uzo Sorvesporak bhettoilo.
62. Levitanchi sonsôt, purus, eka mhoineache ani tachê-voir, soglle mhonnon tevis hozar (23,000). Ani hankam Kushinuch mezlole, heram borabor nhoi, kiteak hankam Israelant bhatt-bens dilem na.
63. Hankam Moizesan ani Eleazaran mezlole Moabachea moidanar, Jordan Nodi poltoddi, Jeriko mukhar.
64. Ani Sinai Oronneant Moizesan Aaronan mezlole, tantlo êk legun atam urlona.
65. Sorvesporan mhonnlolem ki soglle oronneant mortole, kaddun Kaleb, Jefunnecho put ani Joshua, Nunacho put; ani toxem ghoddlem.
