1. Sorvesporan Moizesak ani Aaronak hi xikounn dili:
2. Israel-porza aple tombu ghaltoli tedna, zonn-eka monxan ap-aplea bhagant ani aplea kullachea bavttea khal te ubarche. Hem moidan Tombuchê sorvbhonvtim astolem.
3. Udentik, Judachê poltonnichea bondera khal asat te ap-aplea mukhelea khal aple tombu hê porim ubartole: Judachê kullieche: Nashon (Amminadabacho put)
4. hachea bavttea khal: chovdeat'tor hozar, soixim (74,600) monis
5. Issakarachê kullieche: Nathanel (Zuaracho put)
6. hachea bavttea khal: chovpon hozar, charxim (54,400) monis
7. Zebulunachê kullieche: Eliab (Helonacho put)
8. hachea bavttea khal: sot'tavon hozar, charxim (57,400) monis
9. Ekunn mellun: ekxem xeainxim hozar, charxim (1,86,400) monis Hi Judachi poltonn, poili, soglleam mukhar vetoli:
10. Dokhinnêk Reubenachê poltonnichea bondera khal asat te soglle ap-aplea mukhelea khal aple tombu hê porim ubartole: Reubenachê kullieche: Elizur (Sheduracho put)
11. hachea bavttea khal sovechallishozar, pãixim (46,500) monis
12. Issakarache kullieche: Shelumiel (Zurishaddaiacho put)
13. hachea bavttea khal: ekunsatt hozar, tinxim (59,300) monis
14. Gadache kullieche: Eliasaf (Deuelacho put)
15. hachea bavttea khal: ponchechallis hozar, soixim pon'nas (45,650) monis
16. Ekunn mellun: ekxem ekavon hozar, charxim pon'nas (1,51,450) monis Reubenachi poltonn dusrea zagear vetoli:
17. Magir, hea don poltonnim ani nimannea don poltonnim modem, Levichea kullache Sorvesporacho Tombu gheun vetole. Ani êk-êk poltonn, moidanar tombu marun asli têch manddavollin ap-aplea bondera khal sthan kortoli.
18. Ostomtek, Efraimachea bondera khal asat te soglle, ap-aplea mukhelea khal aple tombu hê porim ubartole: Efraimachê kullieche: Elishama (Ammihudacho put)
19. hachea bavttea khal: challis hozar, pãixim (40,500) monis
20. Manassechê kullieche: Gamaliel (Pedazuracho put)
21. hachea bavttea khal: bot'tis hozar, donxim (32,200) monis
22. Benjaminachê kullieche: Abidan (Gideonicho put)
23. hachea bavttea khal: ponstis hozar, charxim (35,400) monis
24. Ekunn mellun: ekxem atth hozar, xembor (1,08,100) monis Efraimchi poltonn tisrea zagear vetoli:
25. Ut'torik, Danachea bondera khal asat te soglle, ap-aplea mukhelea, aple tombu hê porim ubartole: Danachê kullieche: Ahiezer (Ammixaddaiacho put)
26. hachea bavttea khal: basôtt hozar, satxim (62,700) monis
27. Asherachê kullieche: Pagiel (Ochranacho put)
28. hachea bavttea khal: ekêchallis hozar, pãixim (41,500) monis
29. Naftalichê kullieche: Ahira (Enanacho put)
30. hachea bavttea khal: trepon hozar, charxim (53,400) monis
31. Soglle mellun: ekxem sot'tavon hozar, soixim (1,57,600) monis. Danachi poltonn sarki patthlean vetoli:
32. Israel-porjentle mezlole te soglle soixim-tin hozar, painxim pon'nas monis zatale.
33. Sorvesporan Moizesak formailolem tea pormannem, Levichem kull hê gonttint bhitôr poddlem na.
34. Mhonnttôch, Sorvesporan Moizesak formailolem titlem-i Israel-porjen kelem. Tãnnim ap-aplea bondera khal tombu ubarle ani ap-aplea mukheleachea bavttea khal te fuddem-fuddem tanch martale.
