1. Israel-porjen samballcheak, Sorvesporan Moizesak
2. hi xikounn dili: "Tumkam ditam tea Kanaanchea ganvant tumi bhitor sortôch, tumchea ganvcheô ximô hê porim zaun astoleô:
3. Dokhinnichea ordan, Zinachea oronneant thaun Edomachê degechean vetoli.
4. Mittachea Doriachea dokhinnê-pontak tumchi udentek xim' suru zatoli ani dokhinnê-vatten Akrabbim Paji-xim pavun, Zin oronneantlean Kadesh Barnea legun vetoli. Magir, ti ut'tor-ostomtek Hazar Addar hangachean Azmon vetoli,
5. hanga-sun Ejiptachê ximer gholantlean Bhumo-dheô Doriant somptoli.
6. Ostomtek Bhumodheô Doria.
7. Ut'torik Bhumodheô Doriachê deger thaun Hor Dongor porian,
8. ani hanga-sun Hamath Paj porian,
9. ani tea fuddem Zedad ani Zifron, ani Hazar Enan somptoli.
10. Udentechê ximer Hazar Enan thaun Shefam pavtoli.
11. Thoim thaun, dokhinnek Harbel porian, Ainachê udentek, ani Galileachea Tolleachi udentechi deg porian,
12. magir, dokhinnek Jordan Nôd thaun Mittacho Doria porian.
13. Mhonnttôch, Moizesan Israel porjek mhollem: 'Ho tumcho ganv, ani Sorvesporan formailam toxem, sadde-nnov kullam modem, sorti ghalun tumi to vanttun ghetoleat.
14. Reuben, Gad, ani Manassechea ordh kullan- hea kullamnim Jordanachê udentek aplo ganv tharaun ghetla,
15. ani Jeriko samkar kuttumbam pormannem vanttla.'
16. Sorvesporan Moizesak mhollem:
17. Eleazar-iadnik ani Joshua, Nunacho put, porjek ganv vanttun ditole:
18. êk-êk kullantlo êk mukheli, hea vanttpant tankam adar ditolo.'
19. Sorvesporan hea mon'xank vinchun kaddle:
20. Judachea kullantlo: Kaleb, Jefunnecho put
21. Simeonachea kullantlo: Shelumiel, Ammihudacho put
22. Benjaminachea kullantlo: Elidad, Kislonacho put
23. Danachea kullantlo: Bukki, Joglicho put
24. Manassehchea kullantlo: Hanniel, Efodacho put
25. Efraimachea kullantlo: Kemuel, Xiftanacho put
26. Zebulunachea kullantlo: Elizafan,Parnakacho put
27. Issakarachea kullantlo: Paltiel, Azzanacho put
28. Asherachea kullantlo: Ahihud, Shelomicho put
29. Kanaancho ganv vantt'tun gheunk Sorvesporan hea mon'xank vinchun kaddle.
