1. Sorvesporan Moizesak mhollem,
2. Tuka bara rot-dandde' di mhonn Israel-porjek sang, eka-eka porjechea mukhelea-thaun êk-êk. Tea-tea mon'xachem nanv tea rotdanddear boroun dovor
3. ani zo rot-danddo Levichê nanvim ieta tacher Aaronachem nanv boroi. Dôr kullachea mukheleak êk rot-danddo astolo.
4. Te mhojea Zomatichea Tombunt vhor, ani Korarachea Arkpettê mukhar dovor, zoim hanv tuka bhett kortam.
5. Uprant, hanvem vinchun kaddla tea mon'xachi boddi paletoli. Hê porim bogor-bogor lôk tumcher gunngunnta tem sogllem bond kortolom.'
6. Tôr, Moizes Israel porjê kodde uloilo, ani dôr kullachea nanvan taka bara rot-dandde dile, ani Aaronacho-i tanchê modem dovorlo.
7. Magir, Moizesan te soglle rotdandde Zomatichea Tombunt vhorun Korarachê Arkpettê mukhar dovorle.
8. Dusrea disa, Aaronacho rotdanddo, Levichê nanvim aslo palel'lo dekhlo. Taka bonge aile, fulle, ani badamam piklim!
9. Moizesan soglle rot-dandde kaddle ani te Israel-porjek dakhoile. Kitem ghoddlolem tem tãnnim pollelem, ani zonn-eka mukhelean ap-aplo rot-danddo vhelo.
10. Tedna, Sorvesporan Moizesak mhollem, 'Aaronacho rot-danddo Korarachê Arkpettê mukhar dovor. Kolpol'lê Israel-porjek hi êk xiddkaunni zaun astoli; tanchem gunngunnem bond zaina zalear tim mortolim.'
11. Sorvesporan formailolem tê porim Moizesan kelem.
12. Tedna Israel-porjen Moizesak mhollem, 'Mhonnttôch, ho amcho xevôtt!
13. Tombu-xim ieta tannem legun morchem poddtolem, tôr ami soglle mel'leach porim asanv!'
