1. Tea uprant Job uloilo. Tannem mhollem:
2. Zorui mhoji konnixttai zokhunk zaloli zalear mhojim vaittam ekttaun tagddent ghalunk zalolim tôr,
3. Tanchem vozon doriachê vellevelê renvê poros odik bharadik zatolem aslem tôr mhojim utram khôr-khôs zalear tum kiteak ojeaploi?
4. Sorvesporache bhale mhojea angant khol rombleat ani tachem vikh mhojea jivant posorlam. Devache thorthore mhojea add manddlole asat
5. Eka ran'votti gaddvak khaunk tonn aslear tem roddtta? Vô aplea tondda lagim tonn aslear boil ambeta?
6. Mitta ani ruchi xivai jevonn jeum ieta? Tantiachea dhovea bollak kosli ruch asta?
7. Toslea jevnnachi mhaka ruch na. Ani jeô jevnnacheô vostu adim mhaka vittaitaleô teoch hê mhojê boll'llikent mhojem jevonn zalem.
8. Mhojem magnnem konnuch aikuncho na? Mhozo visvas, Dev mhaka diuncho na?
9. Devak khoxi zalear, Apleach hatan tachean mhozo xevôtt korunk zata.
10. Hem chintop tôr okherek mhaka ghottai ditolem (Hê sonsunk zaina toslê dukhik êk chimtti bôr anond zatolo aslo.) Magir mhoji dukh kedii asum, Hanv kednach Devachea updesam add vochunk na.
11. Punn hê bhaxen ravunk mhaka anink boll asam? Ani il'loi bhorvanso nastana anink kiteak mhonn jivo ravop?
12. Mhojem boll fatrachem ani mhoji kudd kãxeachi?
13. Eka kuskutta iedê ghottsanni xivai mhojean mhaka samballum-ieta? Sogllo adar mhojê sorxilo uddun vochunk na?
14. Tujea Xezareak tuji dulobai dakhoina zaxi, Devachêa bhiranti sorxilo tum pois sor.
15. Pavs na tea vellar suktolea vhalla vori vhanvtolea vhalla vori mhojea bhavamnim mhaka visvasghat kelo.
16. Jedna tachea voir him' poddta tedna borf tanchem udok datt korta
17. Punn, kottkottit votacho gim' ietoch te suktat Suriachê gormen te nanch zatat
18. Karvam aplea fattlean patt dovortat khôl oronneant vetat ani xenddtat.
19. Temanchim ani Shebachim karvam tankam sôdtat Eka-mekachea sangatan vochpi gaddianchim karvam tancho visvas vaddoitat.
20. Punn tancho bhorvanso Sukhea vhalla sangata morta
21. Tea vhallam sarkoch tum mhaka tum mhojem odruxtt polleta ani bhieun fattim sorta
22. Mhaka êk bhettovnni dhi mhunnon vô mhojea khatir konnakui lonch di mhonn maglam?
23. Vô khoincheai dusmanachea vô khorkosachea hatantlo mhaka vattai mhonn hanvem sanglam?
24. Mhaka xikoi; mhojeô chuki mhaka sang hanv vogich ravon tujem aikotolom.
25. Promannik utram pattoun ditat punn, tum, orth nasloli gozal uloita.
26. Hanv fokot vareaveleô khobrô uloitam mhonn tum somzotait oxem zalear tum mhojea nirxevnneachea utrak zap ditai?
27. Onath gulamak tum duddu legit uddovxi. Ani tujea laginchea ixttam poros grest zavxi.
28. Mhojea tonddak polle hanv fotti sangtam zalear tuka rokddench kolltolem.
29. Tum khub pois pavlai. Niti add zavpachem bond kôr. Hanv chuk uloitam oxem tuka dista? Tuzo rag matso denvoi Kainch vaitt zaunchem na matso thondd za.
30. Mhojer odruxtt ieta tedna tachi zanniv mhaka na oxem tum somzotai?
