1. Dongraveleô bokddeô kedna vhietat ti tuka khobor asa? Tunvem mervam aplea pilank zolm ditana polleleant?
2. Aplea pilank kitle mhoine aplea pottant samballta tem tunvem kedna tori mezlam? Ani tim kedna zolm ditat ti tuka khobor asa?
3. Aplea pilank zolm ditana tim bagovtat ani aplem vozon kaddun uddoitat.
4. Ani te mervanche pile vhodd ani mozbut zatôch oronneant vetat te magir kednanch tanchea fuddeant ienant.
5. Ran'votti gaddvak konnem tori svotontrtai dilea? Tea bob marpi gaddvachea nakantli dori konnem tori sôddlea?
6. Osadd zomin hanvem taka tachem ghor koxem ani mittache agor tacho rabito koso dilo.
7. Ganvantleô uchambollaiô to kikont korta khoincheai gaddvanchea dhonianchi bobatt to kanar dhôrina.
8. Soglle dongor tacheô chorvacheô suvatô thoinsor kitem-i panchvem mellta zalear to sôdta.
9. Ran'votti boil tuji chakri korunk kobul asot? Vô tujea gotteantlê khavnnê sorxim to ek rat sarunk kobul asot?
10. Tachea gomtteak tunvem dori ghalear to tuzo nangor vôddit?
11. Tachea mozbut bollacher tujean patieum-ieta? Ani tujem zodd kam tum tacher sôddunk xokta?
12. To portun ghora ietolo mhunnon tujean patieum-ieta? Ani tujea follar to bhat haddun dovrit?
13. Eka shohamurgache paktte tujean eka bokeachea vô kãkonnsavlleachea pakank sor korum ieta?
14. Ti aplim tantiam zomnint sôddta fokot matien tankam ub dinvchê khatir.
15. Konnanchei paim tankam mostit vô ran'votti zonavor fôddit mhunnon ticho visôr poddta.
16. Aplim pilam aplim nhoinch zal'lea bhaxen krurponnan ti vagta aple koxtt funkott vochot mhunnon tika matui legit porva na.
17. Devanuch, tika ginean unnem dilam ani tika matui zannvaiecho vantto diunk na.
18. Torui astana apli unchai dakhounk ti ubi ravli zalear ti ghoddeak ani ghoddo cholovpeak pixe korpi.
19. Ghoddeak itlo kalljidar korpi tunch to? Ani tachê manievelean itle kens denvoupi tunch to?
20. Taka tolla bhaxen uddkeô marunk lavpi tunch to? Tachem khankallop bhirant haddtta.
21. To rostin dhanvtana khoxen to falkeachi mati uboita ani aplea sogllea bollan to zhuza mollar dhanvta.
22. To bhirantek hansta, to kiteakuch bhiena khoinchech torvari mukhar to bagovna.
23. Tachê fattir aslolo bhaleancho poto chokchoktolea bhaleancho ani bannancho avaz korta.
24. Uchambollaien to moilam vegan bolanddta ani zhuzachem xing vazta tedna taka konnacheanuch sanvraunk zaina.
25. Dôr xingachea avazak to uchamboll zaun kinvcheô marta Poisorlean taka loddaiecho ani sordarancho goddgoddea sarko avaz ani zhuzachi bobatt taka aikum ieta.
26. Aple pakotte fuloilea uprant, dokhinnê vatten giddgo uddon vochunk hi tuji zannvai?
27. Aplo ghontter unchaier bandunk ghonni tujea hukuman voir uddttat?
28. Apli rat ti voir khoddpamnim sarta ani suiê sarkeô khoddpancheo tenkxeô aplo kott koso manddta
29. Thoinchean ti aplem savoz sôdta taka aplê pois nodren aplea dolleamnim samballta.
30. Tichim pilam rogot pietat ani khoinsorui dhor asa, thoinsor ti asa.
