1. Tea uprant Job oso uloilo:
2. Anink kitlo kall pasun tumi mhaka oxe vollvollaitole? Ani tumchea bhaxonnanim mhoji pudd kortole?
3. Sod'deak tumi mhaka dha pavtti okman kela. Mhaka oxe toren sotaunk tumkam loz disona?
4. Hanvem kitem vaitt legit adarlear tem mhojem kortub.
5. Mhojea poros apunn odik bore oso tumcho somoz asa ani vad-vivad kortana tumi mhojeoch chuki mhojea tonddar martat.
6. Devan mhaka vaitt kelam mhunnon zanno zaiat Mhaka sampddaunk tannem fas manddla.
7. Hê hinvxecher nixed marlear konnuch mhaka aikona niti khatir marlolea uleak konnuch nit dina.
8. Mhojean upunk zaina tedem durig Devan mhojea rostear add ubarlam, ani mhozo rosto kallokhant dhampla.
9. Mhojea voibhovantlo Tannem mhaka nikllaila ani mhojea mostokavelo mukutt kaddun ghetla.
10. Mhozo nas zanvchê khatir to mhaka sogllea vattamnim zoddpaita ek rukh umttaitolea bhaxen to mhozo visvas umttaita,
11. To mhojer ragan pettla aplo dusman koso to mhaka vagoita.
12. Atam sogllea bollan tachi fouz mhojê vatten fuddem sorlea tãnnim atam mhojea tombuk veddho ghatla.
13. Mhojea bhavank tannem mhojekoddsorle poisaileat mhojea vollkhicheank tannem mhojê sorxile doxim keleat.
14. Mhojim ghorchim ani kallzache ixtt soglle kuxin soron geleat, ani mhojea ghorant ieupi soire mhaka visorleat.
15. Mhojeô gulam-choliô mhaka onvollkhi ani porko zalolea porim mhaka lekhtat.
16. Mhozo chakor mhojea uleak zap dina hanvem tachê lagim upkar magche poddta.
17. Mhozo usvas mhojê potinichean sonsunk zaina Mhojea bhavank mhoji vitt ailea.
18. Lhan bhurgim legit mhojeô moskoreô kortat hanv ubo ravlear tim mhojer add uloitat.
19. Soglle mhoje chodd mogache ixtt mhaka vittetat hanvem mog kelole soglle mhojer kolpoleat.
20. Mhojê kati pondak mhojem mas kusta dantam bhaxen mhojim haddam bhair distat.
21. Mhojea ixttamnô, tumi mhoji doia korat, mhoji doia korat! Kiteak Sorvesporachea hatachi khast mhojer poddlea.
22. Dev korta toxem, tumi kiteak mhonn mhaka piddapidd ditat? Mhojem mas khaun tumi kiteak ozun dhadoxi zaunk nant?
23. Mhojea utrancho ugddas dhôrun konn tori tumi eka pustokar chhapun dovrit kai!
24. Lokhonddachea vinn'nnean ani chirnnean sasnnak urtat toxim tim khoddpant kantounk konn mhaka diit?
25. Mhozo Hok'k-Rakhpi Soddvonnar jivo asa mhonn hanv zanno ani xevottak To prithumê voir ubo ravtolo.
26. Hê mhojê katicho nas zalea uprant hê mhojê kuddin hanv Devak polletolom.
27. Zaka hanv polletolom, To mhojê vatten astolo: hech mhoje dolle Taka polletole, porkeak nhoi, Takach polletole, khôl mhojea kallzant rigla ho bhorvanso.
28. Ami koxê porim taka koxtt-dogdditoleanv? Tachea add amkam koslem nimit melltolem? Oxem tumi mhunnttlem tedna mhoji ghottai dhilovli.
29. Atam tumi torvarik bhielear odik borem. Devacho xirap noxttea kortubancho lasun gobor korta. Ani khorich zhoddtti asa mhonn tumkam tedna kolltolem.
