1. Joban fuddem uloun oxem sanglem:
2. Mhoje xinn ozunuim koddu hanv pinrgonvtam torui Tacho bollixtt hat mhojer asa.
3. Ani tachea thikanna-xim pavpak ani To khoim melltolo to tem mhaka gomlolem zalear!
4. Mhoji firiad mhaka tachea fuddean manddtolom aslom ani mhojem tondd bhôrun soglleô govaikeô hanv ditolom aslom.
5. To mhaka kitem zobab dita tem mhaka kolltolem aslem ani to kitem sangta tem hanv somzotolom aslom.
6. Aplea sogllea bollan Dev mhojê lagim bhasabas korit kai? Na. To fokt mhaka kan ditolo.
7. Êk promannik monis mhojê vixim tachê lagim ani mhojea nitidara mukhar, hanv sodanch niropradhi urtolom.
8. Hanv udentek gelear to thoim na. Vô ostomtek gelear, thoinsorui to mhaka disona.
9. Zôr hanvem taka Ut'torek sôdlo tôr to thoinsor mellona dokhinnê vatten hanv portot zalear, to mhaka matui zollkoch na.
10. Torui astanna hanv dôr-ek pavl martam tem To zannam Tannem mhoji topasnni kelear hanv nirmôll bhangara bhaxen bhair sortolom.
11. Hanvem mhojim pavlam Tachea pavlancher ghôtt dovorleant Tachech vatten hanv chol'lam, add vatten hanv vochonk na.
12. Hanvem Tacheô adnia kednach nhoikarunk na. urfattem zalear tachea tonddantlim utram hanvem mhojea kallzant ballgun dovorleant.
13. Punn, Tannem êk pavtti ghetlolo nirnnoi konnachean bodlunk zait? Apnnak zai toxem To korta
14. Dusrea zaitea formonnam bhaxen, dubava viret To mhojer formonn martolo.
15. Dekhun, Tachea fuddeant hanv samko bhirantin bhorlam. Ani hanv nihalltam titlo mhaka Tacho odik kampero sutt'tta.
16. Devan mhozo atmvisvas dhilaila ani Sorvpodvedaran mhaka thorthoraila.
17. Kallokhachean nhoi mhonnun mhojem mukhamoll dhamptolea savottachean mhaka nopoit korunk zalem na.
