1. Ekê ostorek zolmololea mon'xachem jivit mottvem ani koxttamnim bhorlolem.
2. To eka fula porim fulta ani rokddoch bavta, ani savllê bhaxen nanch zata.
3. Oslê torechê rochnnecher nodor ghalun Tujea fuddeant taka nitik ubo kortai?
4. Konnachean mhonn mhellea vostuntlean kitench nivoll upzoum ieta? Konnacheanuch zaina.
5. Jedna tache soglle dis mezlole asat Ani tache mhoine Tujea hatant asat Ani jedna tachean upunk zaina teô ximô bhairaita
6. Tachê vheli nodor kuxin kadd; Eka disvoddeachea vavraddea porim tannem aple nimanne dis xantin sarchê khatir taka eksuro sôdd.
7. Eka katorlolea rukhak legit bhorvanso asta tachea mullak novean komreô futt'tat taka noveô khandiô iet ravtat.
8. Tachim mullam zomnnint zun zaleant zait ani tachim pallam bhitôr morunk pavleam zait,
9. Toriastana udkan ximplear eka tornnea zhadda bhaxen taka kombreô futt'toleô
10. Punn, monis kitem? Monis morta ani tacho xevôtt zata to morta ani to khoim urta?
11. Tolleantlem udok suklolea vori ani vhanvteô nodi sompon suktat tê porim
12. Monis morta ani kednach jivont zaina mollob aso porian te kednach jivont zauncho na aplê nhidentlo te kednach zagovcho na.
13. Tuzo rag nivo porian, tunvem mhaka patallant dhampun lipoilear Ani uprant mhozo ugddas korpak kherit vêll samballun dovorlear puro aslem!
14. Melolea mon'xachean anink jivont zaunk zata? Mhojea koxttanche soglle dis bolanddta meren, Mhojê suttkek hanv axeun ravtolim.
15. Tum ulo martoloi ani hanv tuka zap ditolom. Ani Tum mhaka, aplê rochnnek polleun khoxi zatoloi.
16. Atam Tum mhojem dôr ek panvol topastai tedna mhojea patkacher Tum apli gupit nodor dovorcho naim.
17. Mhojem patok Tunvem ekê pixven bond korun dovorlam. ani mhojea opradancher Tunvem dhampnnem ghatlaim.
18. Kotta! Jê porim dongor okherek kosolltat. Khoddpam aplea zageavelim kuxin sortat,
19. Khoddpam udkan zhorun vetat. Pavsache lott dhortori dhutat tech porim Tum mon'xachea jievpachea visvasacho bhosm kortai.
20. Tum tacho sasnnank bhosm kortai ani to sompta. Tachem mukhamoll padd kortai ani uprant taka koddek martai
21. Tachea bhurgeank ghoddiê bhovman mellot. Punn tachi Taka khobor nasta tanchem nisontton zalearui taka porva nasta.
22. Taka fokt aplech kuddichi dukh ani svotachea monantle koxtt zannovtat.
