1. Sorvbollixtt aplo zhoddttecho vêll kiteak tharaun dovorina zait? Ani tache bhavarthi tachê zhoddteche dis kiteak pollenant zait?
2. Noxtte monis, odik zomin mellovpak ximenche fator haloitat te xelliô chortat ani tankam chorounk vhortat
3. Te onathanchem gaddum dhanvddaitat ani vidvecho boil zobordostin ghann dovortat.
4. Te goribank rosteachê kuxik martat ani ganvchim sogllim durbollam tanchê sorxilim liptat.
5. Oronneantlea zongli gaddvam bhaxen te koxtti korunk vetat fantea pahrar thaun sanz meren, aplea bhurgeanchea pottan ghalunk, kiteim tori sôdtat.
6. Te dusreanchim xetam nagoun lunvtat ani khotteanchea dakh-molleamnim te dakô khuntt'tat.
7. Kopddeam viret, te ak'khi rat vinglle nhidtat, Hinv poddta tedna bi Tanchê lagim pangrunk kãi nasta.
8. Dongravelea pavsant chipp te bhiztat Ani asro na zaun te khoddpanchê kuxik chittkun ravtat.
9. Te bapui naslolea dudachea bhurgeank ôddun kaddtat ani goribanchea bhurgeank rinna khatir ghannak dovortat.
10. Nhesunk kopdde nasun te vinglle vetat ani bhukelole astana mathean bhore vhortat.
11. Te noxtteanchea zoitunachem tel kaddtat, daku môlltat Punn, svota te tanelole astat.
12. Xarant thaun mortoleancheô pirgovnnô ani ghaiall zal'le bobô-hueli martat punn Dev tanchim magnnim kanar ghena.
13. Uzvaddacho dvês korpi lôk asat. Te uzvaddachê vattechi vollôkh gheunk sôdinant.
14. Kallokhant khuni utth'ta ani goribancho ani gorjevontancho jiv kaddta. Ratcho to chor koso xikarek veta.
15. Pordvari dadleache dolle jillmilleak ravtat 'apleacher konnachich nodor poddona oxem gunngunnun' to aplea tonddar rupnnem ghalta
16. Chor ratchea vellar daram fôddun bhitôr sortat Punn disache te apunn lipun ravtat; Uzvaddachi khobor tankam nakach.
17. Kallokhi rat mhollear soglleank tankam sokall kallokhachê bhirantichi tankam sonvoim zalea.
18. Tachem mol udkacher ufetolê ekê tonnachê kaddiê poros odik unnem, tachê aspoticher ganv bhor xirap ghaltat, ani tachea dak-molleachea fuddeant konnuch vochona.
19. Dukôll ani gormi himak girasta, te bhaxen patall patkeank girasta.
20. Taka akar diupi kusvo taka visorta ani tachem nanv konnuch ghena noxtteponn eka rukhak apttita toxem taka apttitolem.
21. To bhurgim naslolê ostorek piddapidd ditalo ani to vidvêchi kaklut korinaslo.
22. Zo aplea bollan gorvixttank khala xevttita To ubo ravta, punn tachean apleach jivitacher patieun ravunk zaina.
23. Tankam To surokxa dita ani mozbut korta. punn tanchea dôr-eka pavlacher apli chotur nodor dovorta.
24. tancho onodacho kall aslo, atam te nanch zatat zhaddachea nikllailolea salotta bhaxen te bavtat ani pottur kaplolea gonvanchea konnsa vori te sukhtat.
25. Toxem nhoi zalear, konn mhaka fotting mhunnon sidh'dh kortolo? Ani mhojea utrak orth na mhunnon konnanchean dakhounk zait?
