1. Tum ulo mar. Tuka zap mellta? Khoinchea devdutam vatten to volltolo?
2. Tiddok ginean nasloleak marta ani rag pixeak moronn haddta.
3. Surokxit dispi pixeank hanvem polleleat punn, okosmat tanchea ghoracher xirap poddla.
4. Tachea putank alaxiro mellonk na tanchea darvonttear nisontton zalam tanchi konnench rakhonn korunk na.
5. Tanchea xetanchi pik bhukeloleanchea jevnnak upkartoli Dev tanchea tonddantlem kaddun ghetolo kantteamnim vaddlolo danno legit ekttaitole ani axecho lôk tanchi girestkai apnnaitolo.
6. Na, zoxi konnixtai matientlean vaddona toxich dukhichi zhôr dhortorentlean futtona.
7. Ghonni aponnuch ontrollant uddtat tê bhaxen monis apnnakuch trasant ghalta.
8. Hanv tujea zagear aslom zalear Devak ulo martolom aslom ani mhozo prosn tachea fuddeant manddtolom aslom.
9. To korta teô mahan vostu amkam somzonant tachea ojapank hixôp na.
10. To sonvsarar pavs dhaddta xetancher udok ghalta
11. Khala poddtoleank voir kaddpachi vô konnixttank udorgotichê tenkxer pavoupachi tachi khoxi zalear
12. Tancheô noxtteô ievzonneô pureô zaina zaunk chotur mon'xancheô ievzonneom fiskottaita.
13. Xanneank to apleach gonnpasak sampddaita ani budvontank tancheach ievzonneanim ghuspaita
14. Disachea uzvaddant te kallokhant xenddtat kallokhant bhonvlolea bhaxen sanspot bhonvtat
15. Goribank mornnachea chopkeantlo ani gorjevontank zulumantlo to nivarta.
16. To goribank visvas dita ani noxtteanchem tondd bond korta.
17. Dev zaka xist laita to monis subhagi Sorvpodvedarachi xikovnn kuxik marinakai.
18. Kiteak zo konn zokmi korta, toch tankam vokhod laita ani dukhoita toch hat pekoita.
19. To tuka sov oddchonnintlo nivartolo ani satvê oddchonnint, tuka kitench vaitt zaunchem na.
20. Dukollachea vellar mornnantlean ani zhuzachea vellar, torvarintlo to tuka vattaitolo.
21. Opmanavpi jibê koddlo to tuka nivartolo nisonttonachea vellar tuka ballgitolo.
22. Tum hinvsak ani bhukek hanstoloi ani ran'votti mon'zatink tum bhienvchonaim.
23. Tum roitai tea xetant fator aschenant ran'vottim zonavoram tujer ghuri ghalchinant.
24. Tujea tombunt tum xantin ani surokxen jietoloi tujea xelliank polleunk vetai tedna teô tuka solamoti melltoleô.
25. Tuka zaitim bhurgim zolmotolim. Tuji sonsôt xetantlea tonna bhaxen vaddtoli.
26. Lunvpachea kalla meren piklolea gonvanchea konnsa bhaxen tum piklea uprantuch tujea fonddant denvtoloi.
27. Khub kall xiklea uprant hem amkam zannovlam tem monant dovor tum xannom zatoloi.
