1. Elihun aplem ulovop oxem chalu dovorlem.
2. Tujea promannikponnachi govai divun tum niropradhi mhunnon tujean Deva mukhar sidh korun dakhounk zata oxem tuka dista?
3. Tumi Devak mhonnttat: "Hanvem patok adarlam vô na tem tuka kiteak poddlam? Patok adarinastana ravon zalear mhaka koslo faido asa?"
4. Borem asa, Hanv tuka ani tujea ixttank zobab ditam.
5. Mollbar nodor mar ani kupam kitlim voir asat tim polle.
6. Tunvem patok adarlear Taka kitem zata? Tuje oprad tum vaddoit ravlear Sorvesporacher koslo mhonn probhav zata?
7. Tum promannik zalear, tum Devak kitem ditai? Tujea hatantle Dev kitem mhonn gheta zait?
8. Tujem noxtteponn tujea oslea mon'xak vaittak poddta ani tujem promannikponn dusrea mon'xank adavachem zata.
9. Tevui zulumachea voznan pirngovtat podvedaranchea zulumantle apnnak vattaunk te adar magtat.
10. Punn tanchea modlo ekloi "mhozo Dev, mhozo Rochnnar khoim asa?" oxem mhunnonk chintina zo Dev tankam ratchea vellar tankam sontosachim gitam dita.
11. Zannem amkam dusrea mon'zatim poros huxar rochleant, ani ontrollantlea suknneam poros odik xannim keleat.
12. Noxtteanchea gorvak lagun tãnnim adara khatir ulo marlolo Devan to aikunk na.
13. Khorench polkea roddneak Dev kan dina Sorvpodvedar tankam chit dina.
14. Odikuch oxem jedna tum mhonnttai: Apleak Dev disona, mhozo prosn tachea fuddeant asa ani hanv tacher patieun ravtam.
15. Vô tum mhonnttai: 'Tacho rag khast laina nhoi mhonn mon'xachea opradhacher To lokx ghali na!
16. Mhonnttôch Job uloita tedna, to polkim utram uloita koslich vollôkh nastana to bôddbôddta.
