1. Uprant Joban oxem sanglem:
2. Mhojem chotraien aikat hanv tumchê lagim hi itlich bhuzvonn magtam.
3. Mhaka ulovpak sondhi diat hanv uloun somplea uprant, tumchean mhaka thomnnem marum-ietat:
4. Mhojea sarkea mon'xa lagim mhozo vilap tôr? Kiteak mhoji sonsnnikai ibaddchina tôr?
5. Mhojea utrank kan diat, tumchi vacha bond zatoli. ani tumchea tonddar tumi hat dovortoleat.
6. Mhaka ghoddlolem tem nihalllear hanvunch nill zatam ani mhojea angak thorthoro ieta.
7. Kiteak mhonn noxtte monis jietat ani tanchê piraiê borabor tanchi podvi vaddta?
8. Tanchea bhurgeanchi ani fuddlê pillgechi udargot zaloli te aplea dolleam mukhar polletat
9. Tanche ghorabe akanta viret Devachi ragachi boddi tanchê tokler umkollna.
10. Tancho boil gorb toiar korta ani gorbhpata xivai tanchim gorvam vietat.
11. Tanchea ballkank tim menddram vori khellonk dhaddtat ani tanchim bhurgim nachtat.
12. Te dolkaxichea ani sitarachea surar te gaitat ani pil'lukechea avazacher te sontostat.
13. Aplem jivit te khuxalkaien sartat ani xantin te patallant denvtat.
14. Torui astana tech Devak oxem mhonnttat: "Amchê sorxilo koddsor!" Tujê vatto xikunk amkam naka!
15. "Sorvbollixtt to konn? Tachi seva-chakri ami korunk? Tachê lagim magon amkam koslo faido mellta?" oxem tankam ievzota
16. Aplê ievzonnen tãnnim Devak khub pois dovorlo dekhun te itli dovlôt zôddunk pavle?
17. Noxttea mon'xacho divo palovlolo vô tacher odruxtt ailolem ami kitle-xe pautti pollelam zait?
18. Vô Devak farikponn ditana tachi girestkai padd zaloli vô ekê tonnache kaddiê bhaxen to varear ublolo vô bhonvro eka paddkuleak vhorta tê bhaxen taka vhelolo ami pollela?
19. Tachea bhurgeank Devan khast samballun dovorlea? Noxtteakuch khast launk zai ani ti taka khobor asunk favo.
20. Aplem nisontton takach dixtti poddonk zai, ani Sorvpodvedaracho krod taka somzunk zai.
21. Tachea mhoineanche ankdde unne kortôch ani to êk pavtti gelo toso aplea kuttumbachi taka kosli dhadoskai melltoli?
22. Podvedar monsubidarachi legit nit kortolea Devak konnachean zannvai xikounk zata?
23. Angant bhorpur boll ani sogllê torechê khuxalkaien dhadosponnan toxench bholaiken ani surokxit astana legit êk monis morta.
24. Aplea zangddamnim chorob manddloli ani tachea fattichea konddeantlo sar boro ani môv astana legit êk monis morta
25. Dusro eklo kallzachea kodduponnant ani kednach khuxalkai chakonastana morta.
26. Dogui ekach borabor dhortorechea pondak dhullint astat ani rokddech tankam dogainkui kidde bhortat
27. Polleiat! Tumchea monant kitem gollta tem ani mhaka fosouncheô khotteô ievzonneô hanv bhesboro vollkhotam.
28. "Tea vhoddllea savkarachea ghorachem kitem zalem? To khotto monis ravtalo to tombu atam khoim asa?" oxem tumi mhonnttat.
29. Iatrekaram kodden tumi kednach vicharunk na? Ani tãnnim diloli ti govai tumi somzunk nant?
30. Vhodd sonkoxttachea vellar noxtto vattovta Punn, Devachê zhoddttechea vellar to upodream mekllo urta zait?
31. Toxem zalear vaitt mon'xak tachea kortubam khatir xiddkavnni divpi ani tannem kelolea kortubanchem farikponn gheupi konnuim astolo?
32. To melea uprant taka nikhêp zagear vhortole ani tachea fonddacher chotur nodor dovortole.
33. Fonddache dipôdd tacher sovkasaien dovorlea uprant Sogllo lôk ghora portota Ani tachê adim geleat tancho hixeob na.
34. Tôr tumchê polke bhuzvonnecho koslo orth asa? Tumcho dôr êk zobab visvas favo naslolo.
