1. Joba lagim uloun tea fuddem Sorvesporan oxem mhollem;
2. Sorvesporache virodhi sôddun ditole? Devacher ttikakaramnim zobab ievjila kai?
3. Joban Sorvesporak zobab dilo:
4. "Hanv êk holkott monis mhojean koslo mhonn zobab tuka diunk zata? Mhojea tonddar hanvem hat dovorlear odik borem.
5. Hanv ekdam uloilam... anink hanv zobab diuncho na Hanv dôn'dam uloilam... anink fuddem kainch sangcho na."
6. Bhonvreachea modlean Sorvesporan Jobak zobab dilo. Tannem mhollem:
7. Eka vira porim tum tujea penkttak band. Hanv tuka atam prosn vichartolom ani tum mhaka tacho zobab ditoloi.
8. Tum Mhojem formonn nirfoll korunk sôdtai ani tum niropradhi ani Hanv guneanvkari mhonn sangunk sôdtai?
9. Tujea hatak Deva itlem boll asam ani tujean aplo tallo goddgoddea itlo motto korunk zata?
10. Ie tôr, tujem tez ani vhoddponn dakhoi tum porzollan ani onodan nhes.
11. Tujea ragacho kinv votoi, protek gorvixttacher tuji nodor ghal ani taka xevttun khala aptti
12. Ekech nodren sogllea gorvixttank sokla denvoi ani sorv khotteank thoinch marun uddoi.
13. Tankam soglleank zomnint puroi tankam soglleank patallant dhamp
14. Tujea uzvea hatan tum zoitivont zalai dekhun hanv poilo tuzo bhovman kortolom.
15. Nodintlea ghoddeak polloi, tujê vori to-i mhoji ek rochnna, to eka boila bhaxen hirvem tonn khata.
16. Polle, tachea bhenddak kitli takôt asa? Tachea pottachê anglotik kitlem boll asa?
17. Eka devdara rukha bhaxen tachi xempddi ghôtt tachea zangllacheô xirô mozbutaien vindloleô asat.
18. Tachim haddam kanxeacheô nolliô koxeô ani tacho sampllo votoilolea lokhonddachea varanvam bhaxen.
19. Devachê rochnnentli poili rochnna to tachea Rochnnaran taka torvarin bhensddaila.
20. Ran'votti zonavoram khelltat tea dongrachea vattaran vochpacho taka advarla.
21. To sallkanchea pondak add poddtato barik ufetolea zhaddanchea pondak lipta.
22. Sallkanchim panam taka savlli ditat ani nodichea kuxintlim jhilkuttam taka asro ditat.
23. Nodink hunvar ailo zalear taka kosloch husko na; Jordan nôd tachea tondda meren pavlearui taka porva na.
24. Tachea dolleank konn dhôrtolo vô tachea nakant konn punn dori ghaltolo?
