1. Tedna Joban zobab dilo:
2. Mhaka itlea osoktak tunvem koslo mhonn adar dilo zait? Ani xokti naslolea bavlleak tunvem koso mhonn vattailo zait?
3. Tunvem nennar mon'xak kosli mhonn ut'tom budh dili zait? Ani bhorpur bori zannvai dilea astoli?
4. Him tujim sogllim utram tum konnachea adaran uloilai? Ani konnacho atmo tujeantlean bhair sorla?
5. (a)Somploleanche otme zomnim khala thothortat udkam ani tantunt aslole maxe kamptat.
6. Tachea dolleam mukhar, Patall ukto zata ani abaddomak pangrunk na.
7. Tannem akar na thoim ontrollachi uttor pattlaili, ani kainch na thoim prithum' umkallaun dovorta.
8. To datt kupamnim udok sattoun dovorta ani tim kupam tanchea pezan pinzonant.
9. To punvechea chondrimachem mukhamoll dhampta tachea velean aplem kup patllaita.
10. Tannem udkam voir ek atto ghalun uzvadda ani kallokha modem xim' ghatlea.
11. Tachea dhomkeamnim sorgache khambe thorthortat ani bhirantin kamptat.
12. Tachea bollan doriak thonddaila ani tachê ikmotin Rahabachem nisontton kelam.
13. Tachea svasan ontrollak nigut kelam ani tacheach hatamnim pollun vetolea sorpak Tannem tôpla.
14. Polle! Hi fokot tachea kortutvanchi ek Sulus ani kitlem mhonn lhohu tachea talleachem futfutop Tachê podvecho goddgoddo konnanchean mhonn attapum ieta?
