1. Somzum-ia: Ek zhogddem-tontto tharaunchea khatir dog Israelit neai-sobhent vetat, ani eklo guneanvkari ani dusro guneanva mekllo oxem tharailem.
2. Guneanvkareak mar favo zalear, taka omto nhidoun, chabkacho mar divunk nitidar formaitolo. Tannem adarlolê kornnê pormannem taka ogllim vô unnim chabkam poddtolim.
3. Chodduch zalear, challis marum-iet, tea voir nhoi; kiteak, tea voir marlear to sobhemazar unneponnak sampoddtolo.
4. Boil khollar mollta tedna tachem tondd bandum nakat.
5. Dog bhav ekach ghorant ravtale, ani eklo tantlo bhurgem nastana melo zalear, tachê bailechean kuttumba bhair logn zaum nozo; jivo asa tannem tichê-kodde kazar zaunk kaido asa.
6. Ani tankam poilo put zolmota to mel'lea bhavacho koso zaun astolo, hê porim Israelant tachem kuttumb chalu urtolem.
7. Punn jivo asa to bhav tichêkodde logn zaunk kobul na zalear, tinnem xarantleam mukheliam-xim vechem ani oxem mhonnchem, Mhojea ghovacho bhav aplo kaido pallina; to aplea bhavak, Israel-porjê modem, êk bhurgo divunk patthim sorta.
8. Uprant, xarantle mukheli taka apoun vhortole ani tachea kaideacho ugddas kortole. Tori-i to aikona zalear,
9. tachea bhavachi bail tachea fuddeant vetoli ani, xarantlea mukheliam hujir, tachea paianchi êk vhann kaddtoli, tachea tonddar thimpi ghaltoli, ani mhonnttoli, Apleach bhavak êk daiji diunk kobul zaina tea mon'xak oxem ghoddta.
10. Ani tachea kuttumbak oxem nanv poddtolem, vhann ôddun kaddloli tea mon'xachem kuttumb.
11. Dog monis zhogoddtat tedna, ekleachi bail aplea ghovak mozot korchea khatir, dusrea mon'xak nhoi-tea zagear ghôtt dhôrit zalear,
12. tichê thaim kaklut dakhounchi nhoi; ticho hatuch katrun uddouncho.
13. Fottkirim mapam-zhokam vaprun dusreak fosoum nakat.
14. Tumkam Sorvespor Dev ditolo tea ganvant
15. lamb auk zai zalear toxem korum nakat.
16. Fosoitat tankam Sorvespor Dev vitteta.
17. Tumi Ejiptantlim ietaleat tedna, Amalekit porjen tumkam kitem kel'lem tem monant dhôrat.
18. Tankam Devachi bhirant nasli, ani tumi thokon, paim oddtaleat tedna, tim patthlean-thaun angar ailim ani zaiteank marle.
19. Mhonnttôch, Sorvespora Devan tumkam ho ganv ditôch, ani sorv dusmanam-meklle zatôch, sogllea Amalekitank marun uddoiat. Hem visrum nakat!'
