1. Somzum-ia: Eklo konn logn zata, punn magir taka ti bail bori lagona ani sôddunk sôdta. Tôr, tol logn-moddnnem potr tika dita, ani xekim aplea ghorantli tika dhaddta.
2. Uprant, hi bail dusreakodde logn zata,
3. ani ho-i toxench korta ani aplea ghorantli tika dhaddta. Vô, ho dusro ghov morta.
4. Kitem-i zanv, tichea poilea ghovachean tichê kodde porot logn zaum nozo; ti boxttovl'lea porim tannem tika lekhchi. Logn zaun, toSorvesporak okman kortolo. Sorvespor, tumcho Dev ditolo tea ganvant tumi oslo okman korunk favona.
5. Halinch logn zal'lea dadleak zhuzachê foujen bhitôr kaddcho nhoi, vô taka her dusrea kamak launcho nhoi; ek voros bhor taka sutti diunchi, hê porim aplea ghora ravun tachean bailek khuxal korunk zatolem.
6. Konnakui kitem-i usnnem dilear, tachem dantem ghannem dovorchem nhoi. Hê porim tachea kuttumbache jevnna-khannache bhognnar zatole.
7. Konnui aplea Israelit-bhavak dhôrun-bandun vhorta ani aplo chakôr korta, vô taka chakôr koso vikta, tacho jiv kaddcho. Hê porim tem noxtt pois zatolem.
8. Tumkam katichi bhirankull pidda zalear, levit-iadnik kitem sangtat titlem-i korat; hanvem tankam xikounn dilea tika ekannem khaltim zaiat.
9. Tumi Ejiptant thaun ietana, Sorvesporan Miriamak kitem kelem tem monant haddat.
10. Konnakui kitem-i usnnem ditat tedna, to aplem vostr ghannem dovrunk sôdta tem haddunk tachea ghorant bhitôr vochum nakat;
11. bhair ravat, tannench tem haddum di.
12. Ani to gorib zalear, ratik tem tumchêkodde dovrum nakat;
13. dis dharer poddchê adim portun diat, tem ghalun taka nhidum-di. Tedna to tumchea upkaran astolo, ani tumi Sorvesporak mandtoleat.
14. Goribak ani gorjevontak disvoddeak fosoum nakat, ho Israeli vô porko zanv.
15. Disachea disa, dis darer poddchê adim, vavracho disvoddo diun kaddat, to taka axeun ravta. Tumi dinant zalear, to Sorvesporak ulo martolo, ani tumi pap adartoleat.
16. Bhurgeamnim vaitt adarlam tea vixim avoi-bapaik moronn favo zaum nozo; nhoi mhonn avoi-bapai khatir bhurgeak; zonn-eklean adarlam takach moronn favo.
17. Khoincheach pordexiacho vô onathacho hok'k môddun onit korum nakat; khoinchêch vidvechem kapodd gahann dovrum nakat.
18. Ejipt desant tumi chakram asleat ani Sorvespora tumchea Devan tumkam thoinsorlim soddoun haddlim mhonn ugddas dhôrat; dekhun hi adnia hanv tumkam ghaltam.
19. Tumchem xet lunvtat tedna thoim ghoddiek êk penddi visrun urli zalear, ti haddunk porot vochum nakat; ti pordexiak, onathak ani vidvek sôddat, ani oso Sorvespor tumcho Dev tumchea hatachea sogllea vavrar axirvad ghaltolo.
20. Tumchim zoitunanchim zhaddam zhoddoitat tedna, ekdam zhoddoiloleô khandiô novean zhoddoum nakat; teô pordexiak, onathak ani vidvek asum-di.
21. Tumchea dakam-molleantleô dakô kaddtat tedna, urloleô dakô novean kaddunk vochum nakat; teô pordexiak, onathak ani vidvek asum-di.
22. Ejipt desant tumi chakram asleat mhonn ugddas dhôrat; dekhun oxi hi adnia hanv tumkam ghaltam.'
