1. Zannvaien apnnak ek ghor bandlem, tinnem apnnak sat khambe ubarle,
2. aplea mon'zatink marleô, aplo soro toiar kelo, ani aplem mez ghalem.
3. Tinnem aplea chakornink pattoileô ani xarachea unch dongrar thaun, oxem porgôtt korunk lailem:
4. Sadho to monis hê vatten ieuncho.' Unnea gineanachea mon'xak ti mhonntta:
5. Ie ani mhozo unddo kha ani hanvem toiar kela to soro pie!
6. Tujim pixeponnam sôdd ani tum jivo urtoloi, zannvaiechea rosteamnim chol.'
7. Eka mosteak nittaier haddunk sôdtoleak opman favo zatole, Eka vaitt mon'xak dobai ani to tuka lojek ghaltolo.
8. Eka mosteak dobainakai to tujer kolpotolo, Xanneak dobai ani to, tea khatir tuzo mog kortolo.
9. Xanneak bud di ani to odik xannom zatolo, Nitik pallo divpeak xikoi, to aninkui zannar zatolo.
10. Zannvaiecho oromb mhollear Sorvesporachi bhirant, ani bhagivontanchi zannvai mhollear somjikai.
11. Mhojê vorvim tuje dis choddttole, ani tujea jivitantlim vorsam vaddttolim.
12. Xannom tum? Tôr tem tujeach boreak. Mosto tum? Tem vojem tujeach mathear.
13. Murkh ostori, huthutponnan, fattim-fuddem polle nastana vagta, Ti pisatt ani tika koslich khobor asona.
14. xarachê unch svater, ti aplea ghorachea humbrear, eka Xinvasonar boslea,
15. Aplê vatten nitt choltoleank apouncheak,
16. Sadho konn? Oso ie!' Ani pixeak ti sangta,
17. Chorlolim udkam ani gupti khelolo unddo odik ruchik lagta.'
18. Punn, thoim moronn asa mhunnon tea pixeak khobor asona, Ani tinnem apoilolea pataleant asat mhunnon tankam khobor na.
